чавушоғлу: һафтәр мушундақ қилишни давамлаштуридиған болса, берлин мусаписиниң әһмийити йоқ

мәвлүт чавушоғлу, исйанчи һафтәрниң ливийәдә уруш тохтитиш тоғрисида һасил қилинған келишимни имзалимаслиқни давамлаштуридиған болса, берлин мусаписиниң бирәр әһмийитиниң болмайдиғанлиқини әскәртти.

чавушоғлу: һафтәр мушундақ қилишни давамлаштуридиған болса, берлин мусаписиниң әһмийити йоқ

түркийә авази радийоси хәвири: дөлитимиз (түркийә җумһурийити) ташқи ишлар министири мәвлүт чавушоғлу, исйанчи һафтәр ливийәдә уруш тохтитиш тоғрисида һасил қилинған келишимни имзалимаслиқни давамлаштуридиған болса, берлин мусаписиниң бирәр әһмийитиниң болмайдиғанлиқини әскәртти.

ливийәдики түркийәгә қарши күчләрниң алдинқи қатаридин орун алған исйанчи генерал хәлифә һафтәр уруш тохтитиш келишимини имзалимастинла русийәдин кәткәниди, дөлитимиз ташқи ишлар министири мәвлүт чавушоғлу бу һәқтә байанат берип, «һафтәр мушундақ қилишни давамлаштурса, берлин мусаписиниң әһмийити қалмайду» деди.

«(келишим) тексти пүткәниди, имза қойуш басқучида руслар <һафтәр әтигәнгичә мөһләт тәләп қилди> деди. һазир бу текисткә имза қоймайду» деди вә сөзини давамлаштуруп, «түркийә болуш сүпитимиз билән җумһур рәисимизниң рәһбәрликидә ливийәдә уруш тохтитип, тинчлиқ орнитиш үчүн тегишилик ишимизни қилдуқ, буниңдин кейинму қилишни давамлаштуримиз. бирақ, мәнзиридин шуни көрүватимизки, ким тинчлиқни, ким урушни, ким ливийәдә бирлик – баравәрлик орнитишни халайду ким халимайду, оттуриға чиққан болди» дегәнләрни қәйт қилди.

русийә ташқи ишлар министирлиқи, ливийәдә уруш тохтитишқа тәрәп болған тәрәпләрдин исйанчи генерал хәлифә һафтәрниң келишимгә қол қоймастинла москвадин кетип қалғанлиқини уқтурғаниди.



مۇناسىۋەتلىك خەۋەرلەر