türkiye pakistandiki bir meschitte yüz bergen térrorluq hujumini eyiblidi

türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, türkiyening, bélujéstan ölkisining paytexti kuéttadiki bir meschitte meydangha kelgen bombiliq hujumda köp sanda ademning jénidin ayrilghanliqi, yene köpligen kishilerning yarilanghanliqidin chongqur qayghurghanliqini bildürdi.

bayanatta, «bu xainlarche térrorluq hujumini qattiq eyibleymiz, hayatidin ayrilghanlargha allahtin rehmet, yaridarlargha téz shipaliqlar tileymiz we pakistan hökümiti bilen qérindash pakistan xelqige teziye bildürimiz» dégen ibarilerge orun bérildi.

pakistanning bélujéstan ölkisining kuétta shehirige qarashliq gusabad rayonidiki bir medrisining meschitide partlash yüz bérip, biri saqchi, biri medrise imami bolup jemiy 15 adem jénidin ayrilghan, 19 adem yarilanghanidi.