«تۈركىيە ئىراقنىڭ چەت ئەل كۈچلىرىنىڭ ئۇرۇش ساھەسىگە ئايلىنىپ قېلىشىنى خالىمايدۇ»

تۈركىيە ئاۋازى رادىيوسى خەۋىرى: چاۋۇشئوغلۇ ئىراق پايتەختى باغدادتا ئىراق دىپلوماتىيە مىنىستىرى مۇھەممەد ئەلى ئەلھېكىم بىلەن قوشما ئاخبارات ئېلان قىلىش يىغىنى ئۆتكۈزدى. چاۋۇشئوغلۇ بۇ يەردە قىلغان سۆزىدە مۇنداق دېدى: «بۇ زىيارەت ئارقىلىق بىزنىڭ خەلقئارا جەمئىيەتكە بەرمەكچى بولغان سىگنالىمىزنىڭ ئۇقۇمى مۇنداق: ئىراق ھەرگىزمۇ يالغۇز ئەمەستۇر، بۇ قىيىن ئۆتكەلدىن مۇۋەپپەقىيەتلىك ھالدا ئۆتۈش ئۈچۈن  بىرلىكتە ھەرىكەت قىلىمىز. بىز ئىراقنىڭ چەت ئەل كۈچلىرىنىڭ ئۇرۇش ساھەسىگە ئايلىنىپ قېلىشىنى خالىمايمىز.»