erdoghan: türkiyening 60 yilliq ghayisi réalliqqa aylandi
jumhur reis rejep tayyip erdoghan türkiyening 60 yilliq ghayisining réalliqqa aylanghanliqini éytti.
türkiye awazi radiyosi xewiri: türkiyening aptomobil ishlepchiqirish guruhi (TOGG) 2020 – yili ishlepchiqirishqa bashlaydighan yerlik aptomobil kojaeli gebzede jumhur reis rejep tayyip erdoghan qatnashqan murasim arqiliq tonushturuldi.
erdoghan murasimda qilghan sözide mundaq dédi: «bügün dölitimiz üchün tarixiy bir künge, türkiyening 60 yilliq ghayisining réalliqqa aylinishidin ibaret muhim bir özgirishke shahit boluwatimiz. bu ghayini ishqa ashurush yolida, 100 din atuq inzhénér kéchini kündüzge ulap xizmet ishlidi. bizning birdinbir arzuyimiz, layihe ijadkarlirimiz we inzhénérlirimizning bibaha méhnetliri hem qan terlirining bedilige, milliy téxnologiyelerdin paydilinip yerlik aptomobillirimizni ishlepchiqirish, dölitimizning dunyadiki ornini yenimu yüksek sewiyege yetküzüshtur. shuni alahide tekitlep ötimenki, türkiye peqet yéngi téxnologiyeler üchün bir bazarla emes, ularni éksport qilalaydighan bir döletke aylandi. yerlik aptomobil zawuti bursaning gemlik rayonidiki türkiye armiyesige ait jayda qurulidu. 2020 – yiligha barghanda, türkiyede barliq tok qachilash qurulmisi layihesimu tamamlinidu, türkiyening aptomobil ishlepchiqirish guruhi, öz türi ichidiki ichki qismi eng keng, iqtidari yuqiri, bahasi erzan aptomobillirini ishlepchiqiridu. biz yer shari xaraktérlik bir marka ishlepchiqirish yolida izdiniwatimiz, sistémiliq halda ishlepchiqirishqa bashlighan haman, yawropa boyiche kilassik bolmighan, tughma éléktir sistémisigha ige, tunji we yégane SUV modéligha érishimiz.»
erdoghan, aldi bilen özige bir aptomobil buyrutti.
