diyarbakirda yene bir ana perzentini térrorluq teshkilatidin qutqazdi
diyarbakirda yene bir ana 99 kün dawamlashqan olturup naraziliq bildürüsh paaliyiti sayisida, 5 yildin béri judaliq azabi chékiwatqan perzentige érishti.
türkiye awazi radiyosi xewiri: bölgünchi térrorluq teshkilati p k k teripidin élip qéchilghan perzentlirini tépish üchün diyarbakirda xelqlerning démokratiye partiyesi wilayetlik binasi aldida olturup naraziliq bildürüsh namayishi ötküzüwatqan aililerdin husniye kayaning qizi mekiye p k k ning iraqtiki bazisidin qéchip, amanliqni saqlash qisimlirigha teslim boldi.
diyarbakirliq er – ayal huseyin we huseyniye kaya 5 yil ilgiri, 14 yash waqtida térrroluq teshkilati p k k teripidin süriyege élip qéchilghan qizi mekiye üchün 8 – sintebirdin béri xelqlerning démokratiye partiyesi wilayetlik binasi aldida olturup namayish qilishqa bashlighan idi.
ana huseyniye kaya olturup naraziliq bildürüsh paaliyitini 99 kündin béri xelqlerning démokratiye partiyesi wilayetlik binasi aldida dawamlashturiwatqan bolup, buningdin xewer tapqan qizi mekiye 21 – dékabirda térrorluq teshkilati p k k din qéchip, iraqning erbil shehiride kord rayonluq hökümiti amanliqni saqlash qisimlirigha teslim boldi.
türkiye bilen ötküzülgen söhbetlerdin kéyin, mekiye shirnakqa qarashliq silopi nahiyesi chégra éghizi arqiliq türkiyege élip kélindi.
mekiye kayaning bügün kündüzde ailisi bilen didarlishidighanliqi bildürüldi.
ichki ishlar ministiri sulayman soylu er – ayal huseyin we huseyniye kayagha téléfon qilip, mekiyening türkiyege élip kélingenliki we bügün kündüzde pezzentlirini ulargha tapshuridighanliqi heqqide xushxewer berdi.
dada huseyin kayamu perzentige érishkenliki üchün intayin xoshal bolghanliqini bildürüp, jumhur reis rejep tayyip erdoghangha we ichki ishlar ministiri sulayman soylugha rexmet éytti.
