türkiye selaniktiki ot qoyup bérish weqesini eyiblidi

tashqi ishlar ministirliqi türkiyening girétsiye selaniktiki konsulxana diplomatining aptomobiligha ot qoyup bérish weqesini eyiblidi.

1328565
türkiye selaniktiki ot qoyup bérish weqesini eyiblidi

türkiye awazi radiyosi xewiri: türkiye tashqi ishlar ministirliqining bayanatchisi hami aksoy tünügün (23-dékabir) etigende türkiye konsulxana diplomatining aptomobiligha ot qoyup bérish weqesi heqqidiki soalgha jawab berdi.

u: «selaniktiki konsulxanimizning diplomatining aptomobiligha ot qoyup bérish weqesini qattiq eyibleymiz» dédi.

u weqege «wehimilik» dep baha bérip, naraziliqlirini girétsiyening enqere elchixanisigha yetküzgenliklirini we türkiyening afénadiki elchixanisining girétsiyening munasiwetlik organlirigha neq meydanni körsetkenlikini qeyt qildi.

u yéqinqi yillarda girétsiyediki türk diplomatlirigha we mal-mülüklirige qaritilghan oxshash weqelerning köpeygenlikini alahide tekitlep: «girétsiyening munasiwetlik organliridin bu xil weqelerning aldini élishini we elchixana-konsulxanilirimizning xizmetchilirini qoghdash üchün zörür tedbirlerni yolgha qoyushini, bu xil weqelerni peyda qilghuchilarni sotqa tartip, tégishlik shekilde jazalishini ümid qilimiz» dédi.

tünügün etigende girétsiyening selanik shehiride, türkiyening konsulxanisining bir diplomatining aptomobiligha ot qoyup bérilgen idi. ot öchürüsh xadimliri otni öchürüwalghan bolsimu, aptomobilning arqa qismi éghir ziyangha uchrighan idi.

selanik saqchi idarisi weqege munasiwetlik tekshürüshlirini bashlidi.


خەتكۈچ: #diplomat , #ot qoyush , #selanik

مۇناسىۋەتلىك خەۋەرلەر