әрдоған шивейтсарийәдә зийарәттә болиду
җумһур рәис рәҗәп таййип әрдоған, шивейтсарийәниң пайтәхти җәнвәдә чақирилидиған дунйа мусапирлар мунбиригә иштирак қилиду.
түркийә авази радийоси хәвири: җумһур рәис әрдоған, дунйа мусапирлар мунбиригә иштирак қилиш үчүн 16-, 17 – декабир күнлири җәнвәгә бариду؛ бирләшкән дөләтләр тәшкилати (б д т) мусапилар алий комиссарлиқиниң саһибханлиқида чақирилидиған йиғинға җумһур рәис әрдоған костарика, пакистан, ефийопийә вә германийә дөләт әрбаблири билән бирликтә рийасәтчилик қилиду.
йиғинға көплигән дөләтләрниң йуқири дәриҗилик вәкиллири, хусусий вә хәлқаралиқ органлар вә иҗтимаий күчләр башқурушидики органлар, шундақла мусапирларму иштирак қилиду. йиғинда, қоллиғучи тәрәпләрниң мусапирларға саһибханлиқ қиливатқан дөләтләргә қилидиған йардәмлирини елан қилишлири күтүлмәктә. түркийә мәзкур йиғинда, вақитлиқ муһапизәт қилип туруватқан сүрийәликләргә қилған үлгилик хизмәтлирини йәнә бир қетим күнтәртипкә киргүзиду.
әрдоған йиғин җәрйанида бәзи дөләтләрниң дөләт вә һөкүмәт башлиқлири биләнму көрүшиду.
