erdoghan nobél teshkilatini tenqid qildi

türkiye jumhur reisi rejep tayyip erdoghan: «bügün xuddiy minglarche yilning intiqamini élish héssiyati bilen heriketke kelgen bir hujumgha duch kelduq» dédi.

erdoghan nobél teshkilatini tenqid qildi

türkiye awazi radiyosi xewiri: jumhur reis rejep tayyip erdoghan beshtepe xelq kongre we medeniyet merkizide ötküzülgen jumhur reislik sariyi medenyet-senet mukapatlirini tarqitish murasimida söz qildi.

u birinchi we ikkinchi qétimliq pars qoltuqi urushida iraqning tarixiy we medeniyet miraslirining ya bulang-talang qilinghanliqini yaki weyran qilinghanliqini xatirilitip, buninggha oxshaydighan buzghunchiliqlar we wehshiyliklerning afghanistan bilen süriyedimu yüz bériwatqanliqini؛ kishilerningla emes, belki minglarche yilliq tarixiy we medeniyet miraslirini yoqitish urunushlirining körülüwatqanliqini eskertti.

u bu jughrapiyede güllengen barliq medeniyetlerning ortaq alahidilikining, gherbke qarshi üstünlükke ige ikenlikige ima qilip: «bügün xuddiy minglarche yilning intiqamini élish héssiyati bilen heriketke kelgen bir hujumgha duch kelduq. musulman boshnaqlarni wehshiylerche qirghin qilghanlarni kökke kötüridighan, qelimidin qan we nepret tamchiydighan bir kishige nobél edebiyat mukapati bérildi. nahayiti epsuski, nahayiti az kishilerdin bashqa héchkim buninggha naraziliq bildürmidi. ejiba, mesilen, oxshash jimjitqine testiqlash, 100 ming inglizni, firansuzni, italiyanni, norwéchni qirghin qilghan birsige nobél mukapati bérilse yene körülermidi? men hergiz bundaq oylimaymen. bu heqiqetler bizge, medeniyet-senet saheside dunya miqyasida küchlük orungha ige bolmay turup, yashash hoquqimiznimu qoghdiyalmaydighanliqimizning mumkin emeslikini körsitip béridu» dédi.



مۇناسىۋەتلىك خەۋەرلەر