erdoghan pirézidéntlargha kitab hediye qildi

türkiye awazi radiyosi xewiri: erdoghan, jumhur reislik mehkimisi uchur – alaqe ishliri idarisi teripidin türkche, inglizche, fransuzche we gérmanche teyyarlanghan kitabni firansiye pirézidénti émanuél makron, gérmaniye bash ministiri angéla mérkél we engliye bash weziri boris jonsongha berdi؛ kitab, shimaliy atlantik ehdi teshkilati – nato ezasi türkiyening ittipaqqa qoshqan töhpiliri we üstige alghan wezipiliri heqqide tepsiliy melumatlarni öz ichige alidu.

türkiyening we bashqa döletlerning natogha bolghan qarishi muhakime qilinghan kitabning bir babi, türkiyening natodin némilerni kütidighanliqini mezmun qilidu. bu babta, térrorizm qarshi ortaq küreshke we türkiyening mudapiesige natoning hesse qoshushni dawamlashturushining kütülüwatqanliqi tekitlendi؛ türkiyening, natogha eza döletlerdin bixeter rayon berpa qilish xizmetlirige hesse qoshushini kütidighanliqi toghrisidiki qarashlarmu mezkur babta otturigha qoyuldi.

«istratégiyelik ittipaqning küchlük ezasi türkiye» namliq kitabtin sirt, jumhur reislik mehkimisi uchur – alaqe ishliri idarisi teripidin buningdin burun teyyarlanghan «türkiyening térrorizmgha qarshi kürishi» we «süriyede yéngi turmush» namliq kitablarmu bashliqlar yighinida we ayrim uchrishishlarda munasiwetlik rehberlerge teqdim qilinidu.

jumhur reis rejep tayyip erdoghan «türkiyening térrorizmgha qarshi kürishi» namliq kitabni ötken ay ishqa ashurghan amérika ziyaritide pirézidént donald tramp we heyitige teqdim qilghanidi.