икки әскәр шеһит болди

бири тинчлиқ булиқи һәрбий һәрикити районида, йәнә бири пәнчә-3 һәрбий һәрикити районида болуп җәмий икки әскәр шеһит болди.

икки әскәр шеһит болди

түркийә авази радийоси хәвири: түркийә җумһурийити дөләт мудапиә министирлиқи байанат берип, бөлгүнчи террорлуқ тәшкилати әзалириниң тинчлиқ булиқи һәрбий һәрикити райониға қилған ракетамийотлуқ һуҗумида еғир йариланған бир әскәрниң давалаш үнүм бәрмәй шеһит болуп кәткәнликини уқтурди.

байанатта, йоллуқ қоғдиниш һоқуқи даирисидә террорчиларға тегишлик зәрбә берилгәнлики, бекитилгән нуқтиларниң йоқитип ташланғанлиқи билдүрүлди.

ирақниң шималида давамлишиватқан пәнчә-3 һәрбий һәрикити даирисидиму бөлгүнчи террорлуқ тәшкилати п к к террорчилири билән түркийә хәвпсизлик күчлири арисида йүз бәргән тоқунушта бир әскәрниң шеһит болғанлиқи, йариланған бир әскәрниң балнестқа йолланғанлиқи билдүрүлди.

байанатта, шеһитләргә аллаһтин рәһмәт, мусибәтлик аилиләргә вә йаридар әскәрләргә шипалиқ тиләнди.



مۇناسىۋەتلىك خەۋەرلەر