түркийә гиретсийә билән мисирниң байанатлириға инкас қайтурди

түркийә ташқи ишлар министирлиқи байанатчиси һами аксой ливийә билән деңиз һоқуқи даириси мәсилиси бойичә имзаланған келишимниң, икки дөләтниң өз бешимчилиқларға рухсәт қилмайдиғанлиқини әң очуқ шәкилдә оттуриға қойғанлиқини билдүрди.

түркийә гиретсийә билән мисирниң байанатлириға инкас қайтурди

түркийә авази радийоси хәвири: түркийә ташқи ишлар министирлиқи байанатчиси һами аксой гиретсийә билән мисирниң, түркийә вә ливийә һөкүмити оттурисида имзаланған «деңиз һоқуқи даирисиниң бәлгилинишигә мунасивәтлик келишим» гә қарита елан қилған байанатлири тоғрисидики соалларға йазма җаваб бәрди.

у түркийәниң ливийә билән түзүлгән келишим арқилиқ шәрқий ақдеңизда деңиз һоқуқи даирисиниң ғәрбтики бир қисминиң бәлгиләнгәнликини, буниң хәлқаралиқ қанунға уйғун һалда имзаланған келишим икәнликини қәйт қилди.

у түркийәниң мәзкур келишимни имзалаштин бурун тәрәпләрни һәққанийәт рамкисида мурәссәлишиш үчүн көрүшүшкә чақирғанлиқини вә һазирму көрүшүшкә тәййар икәнликини әскәртти. у мундақ деди:

«бирақ, түркийәниң хәлқаралиқ қанунға тайанған вә һәққанийәтни асас қилған бу һәрикитигә җавабән көрүшүшни башлашниң орниға, бир тәрәплимилик қәдәмләр ташланди. ливийә билән имзаланған йеңи келишим, икки дөләтниң өз бешимчилиқларға рухсәт қилмайдиғанлиқини очуқ намайан қилди.»



مۇناسىۋەتلىك خەۋەرلەر