chawushoghlu: türkiyening s - 400 lerge éhtiyaji bar
dölitimiz (türkiye jumhuriyiti) tashqi ishlar ministiri mewlüt chawushoghlu, türkiyening s-400 sétiwilishining sewebi toghrisida toxtaldi.
türkiye awazi radiyosi xewiri: mewlüt chawushoghlu, türkiye putbol fédératsiyesi idare heyiti ezasi we ispaniyening antalyada turushluq pexri konsoli hasan akinjioghlugha, ispaniye padishahliqi dölet médali bérilgenliki munasiwiti bilen antalyadiki bir méhmanxanida ötküzgen muxbirlarni kütüwélish yighinida, türkiyening hawa mudapie sistémilirigha éhtiyaji barliqini eskertip, «bu musapide epsuski, s-400 lerni sétiwalmanglar dégen amérika qoshma ishtatliri chégradin wetenperwer namliq hawa mudapie sistémilirini élip ketti. gérmaniyemu élip ketti, gérmaniye élip ketkeniken, gollandiyedimu élip kétidu. emdilikte italiyemu SAMP-T ni chékindüridighanliqini bildürdi. chégrayimizda hawa mudapie sistémilirini, batariyelirini, wetenperwer namliq hawa mudapie sistémilirini turghuzushni dawamlashturidighanliqini bildürgen birdinbir dölet ispaniye boldi. ispaniye türkiyening heqiqiy dostidur. buning üchün köp rehmet éytimiz» dédi.
mewlüt chawushoghlu yene, türkiyening birleshken döletler teshkilati bayriqi astida medeniyetler ittipaqini güllendürüsh mesilisidimu ispaniye bilen birlikte heriket qiliwatqanliqini bildürüp, «ispaniye, bu sahelerde biz eng küchlük ishinidighan, biz birlikte xizmet qiliwatqan döletlerning aldinqi qataridin orun alidu» dégenlerni sözlirige ilawe qildi.
