чавушоғлу: түркийәниң с - 400 ләргә еһтийаҗи бар

дөлитимиз (түркийә җумһурийити) ташқи ишлар министири мәвлүт чавушоғлу, түркийәниң с-400 сетивилишиниң сәвәби тоғрисида тохталди.

1315359
чавушоғлу: түркийәниң с - 400 ләргә еһтийаҗи бар

түркийә авази радийоси хәвири: мәвлүт чавушоғлу, түркийә путбол федератсийәси идарә һәйити әзаси вә испанийәниң анталйада турушлуқ пәхри консоли һасан акинҗиоғлуға, испанийә падишаһлиқи дөләт медали берилгәнлики мунасивити билән анталйадики бир меһманханида өткүзгән мухбирларни күтүвелиш йиғинида, түркийәниң һава мудапиә системилириға еһтийаҗи барлиқини әскәртип, «бу мусапидә әпсуски, с-400 ләрни сетивалмаңлар дегән америка қошма иштатлири чеградин вәтәнпәрвәр намлиқ һава мудапиә системилирини елип кәтти. германийәму елип кәтти, германийә елип кәткәникән, голландийәдиму елип кетиду. әмдиликтә италийәму SAMP-T ни чекиндүридиғанлиқини билдүрди. чеграйимизда һава мудапиә системилирини, батарийәлирини, вәтәнпәрвәр намлиқ һава мудапиә системилирини турғузушни давамлаштуридиғанлиқини билдүргән бирдинбир дөләт испанийә болди. испанийә түркийәниң һәқиқий достидур. буниң үчүн көп рәһмәт ейтимиз» деди.

мәвлүт чавушоғлу йәнә, түркийәниң бирләшкән дөләтләр тәшкилати байриқи астида мәдәнийәтләр иттипақини гүлләндүрүш мәсилисидиму испанийә билән бирликтә һәрикәт қиливатқанлиқини билдүрүп, «испанийә, бу саһәләрдә биз әң күчлүк ишинидиған, биз бирликтә хизмәт қиливатқан дөләтләрниң алдинқи қатаридин орун алиду» дегәнләрни сөзлиригә илавә қилди.



مۇناسىۋەتلىك خەۋەرلەر