chawushoghlu: türkiye kücheygenséri aldigha chiqiwatqan mesililermu özgiriwatidu

dölitimiz (türkiye jumhuriyiti) tashqi ishlar ministiri mewlüt chawushoghlu, türkiyening kücheygenséri aldigha chiqiwatqan mesililerning sheklining özgirishke bashlighanliqini éytti.

chawushoghlu: türkiye kücheygenséri aldigha chiqiwatqan mesililermu özgiriwatidu

türkiye awazi radiyosi xewiri: mewlüt chawushoghlu antalyaning alanya nahiyesidiki bir méhmanxanida chaqirilghan adalet we tereqqiyat partiyesi yashlar qaniti aqdéngiz rayoni yighinida, jughrapiyelik orunning tashqi siyasetke tesir körsitiwatqan amillarning aldinqi qataridin orun éliwatqanliqini eskertip, «türkiyening géo-siyasiy orni nuqtisidin dunyada heqiqetenmu nahayiti diqqetni tartquchi bir orni we imkaniyiti bar. hazir énérgiye karidorimiz. trans anadolu tebiiy gaz turuba liniyesi – tanap, uningdin burunqi baku – tiflis – jeyhan we shahdéngiz qurulushliri, türk éqimi tebiiy gaz turuba liniyesi... tanap we türk éqimi -2 qurulushi yawropani nishan qilidu. oxshashla türkiye tarixiy yipek yolining janlandurulushidiki eng halqiliq dölet. bulardin yaxshi paydilinishimiz lazim. qanal istanbul qurulushini bashlighan chéghimizda dunyada déngizchiliq we qatnash nuqtisidin tarix özgiridu. burulush nuqtisi bolidu» dégenlerni qeyt qildi.

u sherqiy aq déngizdiki burghilash xizmetliri heqqide toxtilip, «öz tewelikimizdiki mesililer toghrisida héchkim bilen kéngiship olturmaymiz» dédi.


خەتكۈچ: türkiye

مۇناسىۋەتلىك خەۋەرلەر