türkiyening eng muhim turuba liniyesi yawropagha tutashturuldi

türkiyening tinchliq pilanining eng roshen namayendisi bolghan trans anadolu tebiiy gaz turuba liniyesi  yawropagha tutashturuldi.

türkiyening eng muhim turuba liniyesi yawropagha tutashturuldi

türkiye awazi radiyosi xewiri: edirnening ipsana nahiyesi sarijaali yézisidiki trans anadolu tebiiy  TANAP MS4  ölchesh istansisida ötküzülgen, trans anadolu tebiiy gaz turuba liniyesini yawropagha tutashturush murasimigha, jumhur reis rejep tayyip erdoghan, ezerbeyjan pirézidénti ilham eliyéw, énérgiye we tebiiy bayliqlar ministiri fatih dönmez we munasiwetlik döletlerning énérgiye ministirliri qatnashti.

texminen 7 milyard dollar meblegh sélinghan liniye bügün girétsiye chégrasidiki trans adriyatik turuba liniyesi arqiliq yawropagha tututashturuldi.

liniye yawropa teripidiki basquchlirining tamamlinishidin kéyin  TAP  arqiliq tebiiy gaz bilen teminlesh xizmiti bashlinidu.

trans anadolu tebiiy gaz turuba liniyesi qurulushi türkiye – ezerbeyjan otturisida 2011 – yili 24 – dékabir küni imzalanghan kélishim layihesi arqiliq bashlanghanidi.

bu dairide ezerbeyjan döletlik néfit shirkiti (SOCAR) teripidin trans anadolu tebiiy gaz turuba liniyesi layihesi tebiiy gaz bilen teminlesh shirkiti quruldi.

shirketke trans anadolu tebiiy gaz turuba liniyesi layihesi qurulushini tamamlash wezipisi tapshuruldi.

layihening qanuniy qurulmisi 2012 – yili 26 – iyun küni istanbulda türkiye bilen ezerbeyjan otturisida imzalanghan hökümetler ara kélishim we «sahibxan hökümet kélishimi» arqiliq shekillendürüldi.

«sahibxan hökümet kélishimi»  2014 – yili 10 – séntebir küni türkiye büyük millet mejlisi teripidin maqullandi.

liniye 2018 – yili 12 – iyun küni jumhur reis rejep tayyip erdoghan bilen ezerbeyjan pirézidénti ilham eliyéw qatnashqan murasim arqiliq eskishehirde ishqa kirishtürüldi.

türkiyege trans anadolu tebiiy gaz turuba liniyesi arqiliq öktebir éyining axiri étibari bilen 3 milyard 180 milyon kub métirliq tebiiy gaz keldi.

omumiy sighimchanliqi 16 milyard kub métir bolghan turuba liniyesidin türkiyege kelgen tebiiy gaz miqdarining yéqinda 6 milyard kub métirgha yetküzülüshi nishan qilinmaqta.

qalghan 10 milyard kub métirliq tebiiy gaz TAP  arqiliq yawropagha yetküzülidu.

liniyening türkiye – girétsiye chégrasida ardahanning posof nahiyesi türkgözü yéizisida bashlinidighan sepiri, qars, erzurum, erzinjan, bayburt, gümüshhane, giresun, siwas, yozgat, qirshehir, qiriqqele, enqere, eskishehir, bilejik, kütahya, bursa, balikesir, chanaqqele, tekirdagh we edirne qatarliq 20 wilayet we 67 nahiyedin ötüp, türkiye – girétsiye chégrasida axirlishidu.

igilinishiche, trans anadolu tebiiy gaz turuba liniyesi layiheside,  SOCAR  we  jenubiy tebiiy gaz karidori shirkitining % 51, turuba liniyeliri shirkiti bilen néfit yötkesh shirkitining % 30, BP ning % 12,  SOCAR  türkiye énérgiye shkiritining % 7 ülüshi bar iken.



مۇناسىۋەتلىك خەۋەرلەر