түркийәниң әң муһим туруба линийәси йавропаға туташтурулди

түркийәниң тинчлиқ пиланиниң әң рошән намайәндиси болған транс анадолу тәбиий газ туруба линийәси  йавропаға туташтурулди.

түркийәниң әң муһим туруба линийәси йавропаға туташтурулди

түркийә авази радийоси хәвири: әдирнәниң ипсана наһийәси сариҗаали йезисидики транс анадолу тәбиий  TANAP MS4  өлчәш истансисида өткүзүлгән, транс анадолу тәбиий газ туруба линийәсини йавропаға туташтуруш мурасимиға, җумһур рәис рәҗәп таййип әрдоған, әзәрбәйҗан пирезиденти илһам әлийев, енергийә вә тәбиий байлиқлар министири фатиһ дөнмәз вә мунасивәтлик дөләтләрниң енергийә министирлири қатнашти.

тәхминән 7 милйард доллар мәбләғ селинған линийә бүгүн гиретсийә чеграсидики транс адрийатик туруба линийәси арқилиқ йавропаға тутуташтурулди.

линийә йавропа тәрипидики басқучлириниң тамамлинишидин кейин  TAP  арқилиқ тәбиий газ билән тәминләш хизмити башлиниду.

транс анадолу тәбиий газ туруба линийәси қурулуши түркийә – әзәрбәйҗан оттурисида 2011 – йили 24 – декабир күни имзаланған келишим лайиһәси арқилиқ башланғаниди.

бу даиридә әзәрбәйҗан дөләтлик нефит ширкити (SOCAR) тәрипидин транс анадолу тәбиий газ туруба линийәси лайиһәси тәбиий газ билән тәминләш ширкити қурулди.

ширкәткә транс анадолу тәбиий газ туруба линийәси лайиһәси қурулушини тамамлаш вәзиписи тапшурулди.

лайиһәниң қануний қурулмиси 2012 – йили 26 – ийун күни истанбулда түркийә билән әзәрбәйҗан оттурисида имзаланған һөкүмәтләр ара келишим вә «саһибхан һөкүмәт келишими» арқилиқ шәкилләндүрүлди.

«саһибхан һөкүмәт келишими»  2014 – йили 10 – сентәбир күни түркийә бүйүк милләт мәҗлиси тәрипидин мақулланди.

линийә 2018 – йили 12 – ийун күни җумһур рәис рәҗәп таййип әрдоған билән әзәрбәйҗан пирезиденти илһам әлийев қатнашқан мурасим арқилиқ әскишәһирдә ишқа кириштүрүлди.

түркийәгә транс анадолу тәбиий газ туруба линийәси арқилиқ өктәбир ейиниң ахири етибари билән 3 милйард 180 милйон куб метирлиқ тәбиий газ кәлди.

омумий сиғимчанлиқи 16 милйард куб метир болған туруба линийәсидин түркийәгә кәлгән тәбиий газ миқдариниң йеқинда 6 милйард куб метирға йәткүзүлүши нишан қилинмақта.

қалған 10 милйард куб метирлиқ тәбиий газ TAP  арқилиқ йавропаға йәткүзүлиду.

линийәниң түркийә – гиретсийә чеграсида ардаһанниң пософ наһийәси түркгөзү йеизисида башлинидиған сәпири, қарс, әрзурум, әрзинҗан, байбурт, гүмүшһанә, гирәсун, сивас, йозгат, қиршәһир, қириққәлә, әнқәрә, әскишәһир, биләҗик, күтаһйа, бурса, баликәсир, чанаққәлә, тәкирдағ вә әдирнә қатарлиқ 20 вилайәт вә 67 наһийәдин өтүп, түркийә – гиретсийә чеграсида ахирлишиду.

игилинишичә, транс анадолу тәбиий газ туруба линийәси лайиһәсидә,  SOCAR  вә  җәнубий тәбиий газ каридори ширкитиниң % 51, туруба линийәлири ширкити билән нефит йөткәш ширкитиниң % 30, BP ниң % 12,  SOCAR  түркийә енергийә шкиритиниң % 7 үлүши бар икән.



مۇناسىۋەتلىك خەۋەرلەر