қалин: «с - 400 » вә « F-35» үчүн хизмәт ишләшкә башлидуқ

җумһур рәислик сарийи байанатчиси ибраһим қалин башқурулидиған бомба системиси вә « F-35» типлиқ уруш айропиланлири мәсилиси тоғрулуқ хизмәт ишләшкә башлиғанлиқлирини ейтти.

1307522
қалин: «с - 400 » вә « F-35» үчүн хизмәт ишләшкә башлидуқ

түркийә авази радийоси хәвири: қалин «‹ TRT Haber › телевизийә қанили» нәқ мәйдандин тарқитиш пирограммисида бу һәқтә тохталғанда мундақ деди: «ақсарайда елип берилған учришишта, түркийә тәрәптин мән, америка тәрәптин дөләт хәвпсизлик ишлири мәслиһәтчиси роберт обрайн бу ишқа мәсул қилиндуқ. бүгүндин етибарән бу һәқтә хизмәт ишләшкә башлидуқ. бу хизмәт шималий атлантик әһди тәшкилати билән һәмкарлиқ асасида әмәс, әксичә икки тәрәплик мунасивәтләр сәвийәсидә давамлишиду. <400 – с> башқурулидиған бомба мудапиә системиси шималий атлантик әһди тәшкилатиниң мудапиә системисиға илавә қилинмастин мустәқил һалда ишлитилиду. түркийә америка қошма иштатлиридин <вәтәнпәрвәр> намлиқ башқурулидиған бомба сетивелишни пиланлаватиду, бу икки система бир - биригә тәһдит шәкилләндүрмәстин ишлитилиду. түркийә <400 – с> башқурулидиған бомба мудапиә системисидин әсла ваз кәчмәйду, буни җумһур рәисимиз әрдоғанму америка зийарити әснасида очуқ - ашкара һалда байан қилди.  бу нуқтидин елип ейтқанда, америкиға қилған зийаритимизни мувәппәқийәтлик өтти, дейишкә болиду.»

у йәнә, русийә пирезиденти виладимир путинниң йанварниң дәсләпки йеримида түркийәдә зийарәттә болуп, җумһур рәис рәҗәп таййип әрдоған билән көрүшүшиниң күтүлүватқанлиқиниму сөзлиригә илавә қилди.



مۇناسىۋەتلىك خەۋەرلەر