чавушоғлу: сүрийәдә террорлуқ  дөлити қуруш пиланланди

ташқи ишлар министири мәвлүт чавушоғлу сүрийәдә террорлуқ дөлити қуруш пиланланғанлиқини ейтти.

чавушоғлу: сүрийәдә террорлуқ  дөлити қуруш пиланланди

түркийә авази радийоси хәвири: чавушоғлу түркийә қизилай җәмийитиниң анталйа шөбиси тәрипидин өткүзүлгән «түркийә қизилай җәмийитиниң достлири кечилики»  паалийитигә қатнашти, һәмдә бу йәрдә қилған сөзидә,  түркийә қизилай җәмийити, җиддий әһвалларға тақабил туруш қоманданлиқ мәркизи вә түркийә һәмкарлиқ вә кординатсийә идариси қатарлиқ орунлардин интайин пәхирлинидиғанлиқлирини,  түркийәниң дипломатийә сийаситиниң дунйаниң һәрқайси җайлирида актип икәнликини әскәртиш билән бир вақитта, һәм саһәдә һәм сөһбәт үстилидә күчлүк болушниң зөрүрлүкини, нөвити кәлгәндә худди «<тинчлиқ булиқи> һәрбий һәрикити» дикигә охшашла түркийәниң мәнпәәтлирини қоғдаш үчүн өз күчини намайән қилиши лазимлиқини, дипломатийә арқилиқ айларчә һәпилишип һәл қилғили болмайдиған бир мәсилини саһәдики күчлүк бир һәрикәт арқилиқ һәл қилғили болидиғанлиқини, «<тинчлиқ булиқи> һәрбий һәрикити» ниң буниңға рошән мисал болалайдиғанлиқини, җүмлидин түркийәниң «<тинчлиқ булиқи> һәрбий һәрикити» арқилиқ һәм русийә һәм америка қошма иштатлири билән келишим түзүп, өз нишаниға йәткәнликини, «<тинчлиқ булиқи> һәрбий һәрикити» арқилиқ сүрийәдә ойналған суйиқәстлик ойунни тармар қилғанлиқлирини тәкитләп мундақ деди: «бәзи күчләр сүрийәдә террорлуқ дөлити қурушни пиланлиғаниди, әмма биз бу чоң суйиқәстлик ойунни тармар қилдуқ, җүмлидин пәқәт террорчиларға әҗәллик зәбә берипла қалмастин, йәнә у йәрдә террорлуқ дөлити қуруш пилани түзгәнләрниңму пиланини буздуқ. бәзиләрниң түркийәгә сәлбий позитсийә тутушиниң сәвәбиму дәл мушу.»



مۇناسىۋەتلىك خەۋەرلەر