türklerning gérmaniyege köchkenlikining 58-yilliqi xatirilendi

chet ellerdiki türkler we qérindash xelqler idarisi-y t b türklerning gérmaniyege köchkenlikining 58-yilliqini xatirilep bayanat élan qildi.

1298561
türklerning gérmaniyege köchkenlikining 58-yilliqi xatirilendi

türkiye awazi radiyosi xewiri: y t b ning bashliqi abdullah eren, türkiyedin gérmaniyege köchkenlerning peqet döletning emgek küchigila emes, belki iqtisadiy, siyasiy, ijtimaiy we medeniyet qurulmisighimu hesse qoshqanliqini éytti.

y t b ning bu heqtiki yazma bayanatida bildürülishiche, abdullah eren gérmaniyege köchüshning 58-yilliqi munasiwiti bilen söz qilghan bolup, u yawropa döletlirining yawropadiki türk mewjutluqini özige paydiliq dep körüshini tekitligen.

u: «ötken waqit peqet gérmaniyening emgek küchigila emes, belki iqtisadiy, siyasiy, ijtimaiy we medeniyet qurulmisighimu aktip hesse qoshqan bir musapini peyda qildi. bu musapide, köpinchisi tilinimu bilmigen bu dölette muweppeqiyet qazanghan hékayilerning qehrimani bolghan birinchi ewlad, künimizde tötinchi ewladqa yetti. bu yash we dinamik ewladlar kündin künge özini téximu yaxshi yétishtürüp, özliri turuwatqan jemiyetke we bu yerdiki mewjutluqimizgha yuqiri sewiyede hessilerni qoshup, ana weten we ana tili bilen bolghan rishtisini üzmestin ikki dölet munasiwetliride muhim rol oynaydighanliqigha ishinimen» dégen.

bayanatta, bundin 58 yil burunqi 1961-yili 30-öktebir gérmaniyening bonin (Bonn) shehiride imzalanghan «emgek küchi qobul qilish kélishimi» bilen, deslepki qedemde 2500 türkiye puqrasining gérmaniyege köchkenliki qeyt qilindi.

türkiye puqralirining waqitning ötüshi bilen gérmaniyede siyasettin iqtisadqiche, medeniyettin tenterbiyegiche bolghan her sahede mewjutluqini dawamlashturghanliqi eskertilgen bayanatta, 3.5 milyondin artuq nopusqa ige türklerning tötinchi ewladqa yetkenliki, y t b ning chet ellerdiki barliq türkler üchün qiliwatqinigha oxshash, gérmaniyediki türkler üchünmu maarip, medeniyet, qanun qatarliq nurghun sahelerde türlük layihelerni ijra qiliwatqanliqi tekitlendi.



مۇناسىۋەتلىك خەۋەرلەر