erdoghan: rusiye térrorluq teshkilatning bixeter rayon tewelikidin chiqiriwétilgenlikini bildürdi

türkiye awazi radiyosi xewiri: jumhur reis erdoghan beshtepe millet qurultay we kültür merkizide ötküzülgen 29 – öktebir jumhuriyet bayrimi tebrik qobul qilish murasimida qilghan sözi jeryanida, türkiyening, süriyening shimalidiki térrorchi unsurlargha qarshi qilghan kürishi toghrisida toxtilip, «türkiye, mesile dölet bixeterliki we tarixiy mesuliyiti bolghanda (birliridin) ijazet élip olturmastin öz imkaniyitige tayinip xalighinini qilalaydighanliqini namayan qildi» dédi.

u, xelqning yiraqni körer qetiy pozitsiyesi sayisida térrorluq teshkilatlirining ghayet zor yardemlerge qarimay utuqqa érishelmigenlikini eskertti.

süriyege néfit yaki küch merkezleshtürüsh pursitini közlimestin peqet we peqet insan, jan, qérindash dep qarighan birdinbir döletning türkiye ikenlikini tilgha alghan erdoghan, gherb döletlirining bolsa, térror mesiliside ikki yüzlimichi pozitsiyede bolghanliqini tekitlidi.

rusiye bilen hasil qilinghan kélishim toghrisida toxtalghan erdoghan, bixeter rayon mesiliside, «rusiye, térrorluq teshkilatlirining bu yerdin teltüküs chiqirilghanliqi toghrisidiki uchurlarni hoquqluq organlirimizgha yetküzdi. bir tereptin amérika qoshma ishtatliri, bir tereptin rusiye bilen 120 we 150 saetlik hasil qilghan kélishimlirimiz axirlashti. ete ishqa ashuridighan uchrishishlirimiz bar» dégenlerni sözlirige ilawe qildi.