bügün türkiye we dunyada türkiye jumhuriyiti qurulghanliqining 96 yilliqi tebriklenmekte

bügün, 1923 – yili 29 – öktebirde élan qilinghan türkiye jumhuriyiti 96 yéshigha qedem qoydi.

1296379
bügün türkiye we dunyada türkiye jumhuriyiti qurulghanliqining 96 yilliqi tebriklenmekte

türkiye awazi radiyosi: bügün türkiye jumhuriyiti qurulghanliqining 96 yilliqini tebriklimektimiz. 1923 – yili 29 – öktebir küni top étishliri bilen teng we cheksiz  shad – xuramliq ilkide türkiye jumhuriyiti quruldi. osmanli impériyesining birinchi dunya urushida meghlub bolushi we dölet zéminlirining ghalib döletler teripidin talan – taraj qilinishi, döletni qattiq ümidsizlendürdi, xelqni cheksiz qayghugha saldi.  «quwayi milliye/milliy etretler» süpitide teshkillengen we mustapa kamal atatürk rehberlikide birleshken «milliy küchler «azadliq urushi» ni bashlidi. «türkler köp sanliqni teshkil qilidighan rayonlar choqum türk rayonliri péti qélishi kérek» pikrige asasen bashlanghan milliy  küresh netijiside, 1922 – yili 30- awghust küni «<bash qomandanliq> meydan urushi» da shanliq zeper qolgha keltürüldi, shuning bilen, ishghalchi küchler hazirqi türkiye térrotériyesidin qoghlap chiqirildi. aldi bilen, «tinchliq söhbetliri» arqiliq ishghal astidiki istanbulning azad qilinishi, andin, «lozan tinchliq kélishimi» ning hasil qilinishi bilen, osmanli impériyesi tarix sehnisidin öchürülüp ketti, buning ornini yépyéngi türkiye jumhuriyiti igilidi. 1923 – yili 29 – öktebirgiche dawamlashqan muzakirilerdin kéyin, pütkül jahangha türkiye jumhuriyiti qurulghanliqi élan qilindi we enqerening paytextke özgertilgenliki jakarlandi. jumhuriyitimiz qurulghanliqini tentenilik halda tebriklewatqan bu shanliq künde,  rehbirimiz mustapa kemal atatürkni öz ichige alghan  milliy kürishimizning  qehrimanlirini cheksiz iptixarliq tuyghusi we chongqur hörmet bilen menggü yad étimiz.



مۇناسىۋەتلىك خەۋەرلەر