русийә таратқулири әрдоған – путин учришишиға кәң орун аҗратти

русийә таратқулири җумһур рәис рәҗәп таййип әрдоған билән русийә пирезиденти виладимир путинниң сочи шәһиридә ишқа ашурулған учришишиға кәң орун аҗратти.

1293329
русийә таратқулири әрдоған – путин учришишиға кәң орун аҗратти

түркийә авази радийоси хәвири: русийәниң «‹ RIA Novosti› хәвәр агентлиқи», «путин билән әрдоған сүрийәниң тәқдирини өзгәртиш характерлик һәл қилғуч байанатларни бәрди» сәрләвһилик хәвиридә, һәр икки дөләтниң сүрийәниң земин пүтүнлүкини қоғдаш ирадисиниң қәтийликини оқурмәнлири билән ортақлашти.

«‹ Kommersant› гезити» ниң хәвиридә, әрдоған билән путинниң учришиши әснасида имзаланған келишим лайиһәсиниң наһайити зор әһмийәткә игә икәнлики тәкитлинип мундақ дейилди: «келишим лайиһәси арқилиқ сүрийәниң буниңдин кейинки тәқдири асасий җәһәттин бәлгиләп чиқилди. икки рәһбәрниң учришиши сүрийәдә йеңи бир урушниң партлишиниң алдини алди.»

«‹ Vedomosti› гезити» ниң тәхминән 6 саәт давамлашқан учришишниң наһайити муһимлиқи тәкитләнгән хәвиридә, русийә билән түркийәниң сүрийәдә бихәтәр районниң чегра линийәлири мәсилисидә пүтүшкәнликини оқурмәнлириниң диққитигә сунди.

русийәниң «‹ TASS › агентлиқи», «русийә билән түркийә сүрийәдә әсәбийликкә қарши бирликтә  күрәш қилиш мәсилисидә пүтүшти» сәрләвһилик хәвиридә, төвәндики мәлуматларни оқурмәнлириниң диққитигә сунди:

русийә билән түркийә терроризмға қарши бирликтә  күрәш қилиду. һәр икки дөләт сүрийәлик мусапирларниң өз йуртиға бихәтәр һәм өз ихтийарлиқи билән қайтиш басқучиға һәссә қошиду.



مۇناسىۋەتلىك خەۋەرلەر