türkiye jüme namizi esnasida jamege qilinghan térrorluq hujumini eyiblidi

türkiye, afghanistanning sherqiy qismigha jaylashqan nangarhar wilayitidiki bir jamege jüme namizi esnasida qilinghan térrorluq hujumini qattiq eyiblidi.

türkiye jüme namizi esnasida jamege qilinghan térrorluq hujumini eyiblidi

türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, nangarhar wilayitidiki bir jamege qilinghan térrorluq hujumida köp sanda bigunah puqraning jénidin ayrilghanliqi, yene nurghun kishining yarilanghanliqidin qayghurush ichide xewer tépilghanliqini bildürüp, «mezkur térrorluq hujumini qattiq eyibleymiz. hujumda hayatidin ayrilghanlargha allahtin rehmet, dost afghanistan hökümitige we qérindash afghanistan xelqige teziye bildürimiz, yaridarlargha téz shipaliqlar tileymiz» dégenlerni qeyt qildi.

nangarhar wilayitidiki bir jamege jüme namizi esnasida qilinghan bombiliq hujumda 63 adem jénidin ayrilghan, 36 adem yarilanghanidi.


خەتكۈچ: uyghurche , jüme , jame , afghanistan , türkiye

مۇناسىۋەتلىك خەۋەرلەر