y p g|p y d shimaliy süriyedin chékinishke bashlidi

türkiye awazi radiyosi xewiri: jumhur reis rejep tayyip erdoghan istanbulda jüme namizidin kéyin, muxbirlarning soallirigha jawab berdi.

u tünügün (17-öktebir) türkiye bilen amérika otturisida tüzülgen türkiye armiyesi bilen süriye milliy armiyesining shimaliy süriyede térroristlargha qarshi bashlighan tinchliq buliqi herikitini waqitliq toxtitish kélishimi üstide toxtaldi.

u: «rayonda texminen toqquz künni bashtin kechürduq. uningdin burunqisimu bar. téléfon diplomatiyesi bilen dawamlashqan musapilermu bar. amérika pirézidénti donald tramp, rusiye pirézidénti wladimir putin we yawropa döletliri bilen élip barghan uchrishishlirimiz bar. muhim uchrishishimizni tünügün emelge ashurduq. hörmetlik tramp bilen bolghan körüshüshte, heyetler ara körüshüsh arqiliq téximu yaxshi nuqtigha kéleleymiz, déduq. amérika muawin pirézidénti mayk pénsning bashchiliqida bir heyetni ewetti. bu heyet men békitken heyet bilen körüshti. tünügün eng muhim körüshüshni axirlashturduq» dédi.

u péns bilen körüshkenlikini bildürüp: «heyetler ara körüshüsh netijiside tüzgen 13 maddiliq ortaq xitabname dunyagha élan qilindi. 120 saetlik musape heriketke ötti» dédi.

u yene mundaq dédi:

«uzunluqni közde tutqanda, 444 kilométirliq uzunluq bar. 120 saet ichide bu yerlerning boshitilidighanliqi mesiliside pikir birliki hasil qilduq. türkiyening riyasetchilikide we birlikte hemkarliq ichide qilish qarari alduq. izchil halda özara alaqide bolimiz. 120 saetni muweppeqiyetlik halda axirlashturalisaq.... seyshenbe (22-öktebir) hörmetlik putin bilen körüshimen. putin bilen bolidighan körüshüshümni bu musapining bir unsuri süpitide körimen. dölet mudapie ministiri bilen körüshtüm. ularning chékinishni bashlighanliqini éytti. bizning kélishimimizning bir alahidiliki bolsa, bizning qoralliq qisimlirimiz u jaylardin ayrilmaydu. dölet mudapie ministirimizdin alghan melumatlargha qarighanda, hazir étishish yoq. asassiz xewerlerge étibar qilmayli.»