әрдоған әтә бакуға бариду

түркийә авази радийоси хәвири: түркийә, әзәрбәйҗан, қазақистан вә қирғизистан тәрипидин түрк кеңиши қуруш тоғрисида 2009 – йили 3 – өктәбирдә имзаланған наһчиван әһдинамисиниң 10 – йилиға тоғра кәлгән йиғин, өзбекистан толуқ әзалиққа өтидиғанлиқи үчүн алаһидә муһим һесаблиниду.

өткән йилқи йиғинға көзәткүчи сүпитидә иштирак қилған венгирийәниң пайтәхти будапиштта ечилған түрк кеңиши йавропа вакаләтханиси ишханисиға даир қарарларму бакуда қобул қилиниду.

йиғинда йәнә, «түрк дунйасиниң ақсақили, қазақистан җумһурийитиниң қурғучи пирезиденти, әлбаши нурсултан нәзәрбайев» ға, қурулушиға алаһидә тошқан түрк кеңишиниң пәхрий башлиқлиқ унвани берилиду.

охшаш болмиған саһәләрдә хизмәтләрни өтәватқан түрк кеңиши билән мунасивити бар түрк тилида сөзлишидиған дөләтләр парламент әзалири ансамбили, хәлқара түрк мәдәнийити тәшкилати,  түрк академийәси, түрк күлтүр вә мирас вәхпи билән түрк сода – санаәтчиләр башқармиси арисидики алақини күчәйтиш ролини өтәйдиған түрк кеңиши кординатсийә комитетиниң қурулушиға даир қарарниңму бу қетимқи йиғинда чиқирилиши мөлчәрләнмәктә.

җумһур рәис әрдоғанниң йиғинға иштирак қилидиған түрк кеңишигә әза дөләтләрниң рәһбәрлири билән айрим учришишларни өткүзүши пиланланмақта.

әрдоған 15 – өктәбирдә түркийәгә қайтип келиду.