altun grahamning bayanatigha naraziliq bildürdi

jumhur reislik mehkimisi uchur – alaqe ishliri idarisi bashliqi piroféssor doktor fahrettin altun, amérikiliq jumhuriyetchi palata ezasi lindséy grahamning barish pinari (tinchliq buliqi) herbiy herikiti toghrisidiki bayanatigha naraziliq bildürdi.

1285712
altun grahamning bayanatigha naraziliq bildürdi

türkiye awazi radiyosi xewiri: fahrettin altun tiwittér adrésida inglizche uchur tarqitip, palata ezasi grahamning tiwittér adrési arqiliq élan qilghan «türk hökümitige süriyening shimaligha kirish üchün yéshil chiragh yéqilmighanliqi» toghrisidiki bayanatigha reddiyet qayturup, «palata ezasi, sizni bu yerdin waqiplandurush üchün yéziwatimen. türkiye we süriye milliy armiyesi bügün (tünügün) barish pinari herbiy herikitini bashlidi. qizil chiraghdin ötüp ketkenlikimizni anglidim. u bir jiddiy ehwal idi. chünki, puqralirimizgha tehdit séliwatqan p k k we daésh térrorchilirini jehennemge yollash üchün aldirayttuq» dédi.

graham uchurida, «türk hökümitige süriyening shimaligha kirish üchün yéshil chiragh yandurulmidi. dölet mejliside qizil siziqni körgende atlap ötüp ketmeslikingiz kérek bolghan nahayiti zor ikki partiyelik öktichiler bar» dégen ibarilerge orun bergenidi.



مۇناسىۋەتلىك خەۋەرلەر