تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

түркийә армийәси фират дәрйасиниң шәрқидә...

түркийә армийәси, дөләт ичи вә районда тинчлиқ вә хатирҗәмликни бәрпа қилиш үчүн фират дәрйасиниң шәрқидә һәрбий һәрикәт елип бармақта.

түркийә армийәси фират дәрйасиниң шәрқидә...

түркийә авази радийоси хәвири: түркийә армийәсиниң сүрийәдики  п к к / п й д вә даеш террорлуқ тәшкилатлириға зәрбә беришни нишан қилған бариш пинари (тинчлиқ булиқи) һәрбий һәрикитиниң қуруқлуқ басқучиму башланди.

түркийә әскәрлири 3 пәрқлиқ җайдин чеградин һалқип өтүп, районни контрол қилип туруватқан террорчиларға қуруқлуқтинму зәрбә беришкә башлиди.

дөләт мудапиә министирлиқи байанат берип, «қәһриман түрк армийәмиз вә сүрийә миллий армийәси бариш пинари һәрбий һәрикити даирисидә фират дәрйасиниң шәрқидә қуруқлуқтин һәрикәткә өтти» дегәнләрни қәйт қилди.

җумһур рәис рәҗәп таййип әрдоған түнүгүн түркийә вақти саәт 16:00 дә түркийә һава армийәсиниң сүрийәдә һәрикәткә өткәнликини җакарлап, «түркийә армийәси, сүрийәниң шималида п к к / й п г вә даеш террорлуқ тәшкилатлириға қарши бариш пинари һәрбий һәрикитини башлиди» дегәниди.

арқидин түркийә уруш айропиланлири сүрийә тәвәликигә 30 километир ичкириләп кирип террорчиларниң нишанлирини битчит қилип ташлиғаниди.



مۇناسىۋەتلىك خەۋەرلەر