түркийә чәт әлләргә «тинчлиқ булиқи һәрбий һәрикити» һәққидә мәлумат беришни давамлаштурмақта

ташқи ишлар министирлиқи «тинчлиқ булиқи һәрбий һәрикити» һәққидә чәт әллик әлчиләргә мәлумат бәрмәктә.

түркийә чәт әлләргә «тинчлиқ булиқи һәрбий һәрикити» һәққидә мәлумат беришни давамлаштурмақта

түркийә авази радийоси хәвири: түркийәниң җәнубий чеграсида қурулмақчи болған террорлуқ каридорини йоқутуш, районда тинчлиқ вә хатирҗәмликни бәрпа қилиш мәқситидә башланған «тинчлиқ булиқи һәрбий һәрикити» һәққидә түркийәдики чәт әл әлчиханилириға мәлумат бериш давамлашмақта.

бу даиридә йавропа иттипақи түркийә әтрити башлиқи баш әлчи чиристийан бергер ташқи ишлар министирлиқиға чақиритилип, давамлишиватқан һәрикәт вә һәрикәтниң сәвәблири һәққидә мәлумат берилди.

бирләшкән дөләтләр тәшкилати хәвпсизлик кеңишиға әза дөләтләрниңму әнқәрәдә турушлуқ вәкиллири түнүгүн мәлумат бериш үчүн ташқи ишлар министирлиқиға чақиритилған иди.

муавин ташқи ишлар министири сәдат онал америка баш әлчиси давид мичәл саттерфелд, фирансийә баш әлчиси чарлес фрес, әнглийә баш әлчиси җоминик чилкот, русийә баш әлчиси абексей йерхов вә хитай әлчисиханиси баш мәслиһәтчиси чен вехуаға мәлумат берилгән иди.

бирләшкән дөләтләр тәшкилати хәвпсизлик кеңишиға әза дөләтләрдин башқа йәнә, ташқи ишлар министирлиқиға чақиритилип мәлумат берилгән дөләт вәкиллири арисида иран баш әлчиси муһәммәд фарасмазниңму барлиқи билдүрүлди.



مۇناسىۋەتلىك خەۋەرلەر