mudapie ministirliqi: daéshqa qarshi türkiyedek küresh qilghan dölet yoq

türkiye jumhuriyiti dölet mudapie ministirliqi, türkiye armiyesining daéshqa qarshi tirkiship küresh qilghan birdinbir ittipaqdash we shimaliy atlantik ehdi teshkilati – nato döliti armiyesi ikenlikini uqturdi.

mudapie ministirliqi: daéshqa qarshi türkiyedek küresh qilghan dölet yoq

türkiye awazi radiyosi xewiri: dölet mudapie ministirliqi tiwittér adrési arqiliq türkiye armiyesining dölet ichi – sirtidiki zerbe bérish heriketliri toghrisida melumat berdi؛ türkiye armiyesining (süriyede) firat qalqini herbiy herikiti arqiliq emeliy meydanda daésh térrorluq teshkilati bilen robiro turup küresh qilghan birdinbir ittipaqdash we nato döliti armiyesi bolghanliqi tekitlengen bayanatta, «daéshning qanliq heriketlirining eng éghir ziyankeshlikige uchrighan döletlerning biri bolghan türkiye, hem dölet ichide hem chégralirining sirtida bu térrorluq teshkilatigha qarshi qetiylik bilen küresh qildi, firat deryasining sherqidimu küresh qilishni dawamlashturidu» dégen ibarilerge orun bérildi.

bayanatta yene, türkiye armiyesi firat qalqini herbiy herikiti arqiliq daésh muqeddes hésablaydighan dabiq rayonini qolgha kirgüzüp, teshkilatqa eng éghir herbiy we idéologiyelik zerbe bergenliki xatirilitip ötüldi.


خەتكۈچ: süriye , daésh , türkiye

مۇناسىۋەتلىك خەۋەرلەر