мудапиә министирлиқи: даешқа қарши түркийәдәк күрәш қилған дөләт йоқ

түркийә җумһурийити дөләт мудапиә министирлиқи, түркийә армийәсиниң даешқа қарши тиркишип күрәш қилған бирдинбир иттипақдаш вә шималий атлантик әһди тәшкилати – нато дөлити армийәси икәнликини уқтурди.

мудапиә министирлиқи: даешқа қарши түркийәдәк күрәш қилған дөләт йоқ

түркийә авази радийоси хәвири: дөләт мудапиә министирлиқи тивиттер адреси арқилиқ түркийә армийәсиниң дөләт ичи – сиртидики зәрбә бериш һәрикәтлири тоғрисида мәлумат бәрди؛ түркийә армийәсиниң (сүрийәдә) фират қалқини һәрбий һәрикити арқилиқ әмәлий мәйданда даеш террорлуқ тәшкилати билән робиро туруп күрәш қилған бирдинбир иттипақдаш вә нато дөлити армийәси болғанлиқи тәкитләнгән байанатта, «даешниң қанлиқ һәрикәтлириниң әң еғир зийанкәшликигә учриған дөләтләрниң бири болған түркийә, һәм дөләт ичидә һәм чегралириниң сиртида бу террорлуқ тәшкилатиға қарши қәтийлик билән күрәш қилди, фират дәрйасиниң шәрқидиму күрәш қилишни давамлаштуриду» дегән ибариләргә орун берилди.

байанатта йәнә, түркийә армийәси фират қалқини һәрбий һәрикити арқилиқ даеш муқәддәс һесаблайдиған дабиқ районини қолға киргүзүп, тәшкилатқа әң еғир һәрбий вә идеологийәлик зәрбә бәргәнлики хатирилитип өтүлди.



مۇناسىۋەتلىك خەۋەرلەر