чавушоғлу алҗирийәдә зийарәттә болмақта

дөлитимиз (түркийә җумһурийити) ташқи ишлар министири мәвлүт чавушоғлу, «алҗирийә өз райони вә ислам дунйасиға нисбәтән наһайити муһим бир дөләт. алҗирийәниң муқимлиқи түркийә үчүн интайин муһим» деди.

чавушоғлу алҗирийәдә зийарәттә болмақта

түркийә авази радийоси хәвири: мәвлүт чавушоғлу алҗирийәдики дөләт ишлири зийарити даирисидә алҗирийә ташқи ишлар министири сабри букадум тәрипидин күтүвелинди.

чавушоғлу, күтүвелиништин кейин мухбирларға байанат берип, мәнсәпдешиниң тәклипигә бинаән алҗирийәгә кәлгәнликидин хушаллиқ һес қилидиғанлиқини؛ түркийә вә райондики өзгиришләрниң җиддийликигә қаримай алҗирийәдә зийарәттә болуш вәдисидә турғанлиқини әскәртти вә сөзини давамлаштуруп, «алҗирийә билән болған мунасивәтлиримизгә күчлүк әһмийәт беримиз. әтики (бүгүнки) учришишлиримизда бу һәқтә сөзлишимиз. һөрмәтлик пирезидент, һөрмәтлик баш министир вә һөрмәтлик парламент башлиқи билән көрүшүш пурситимиз болиду. алҗирийә бу районға вә ислам дунйасиға нисбәтән наһайити муһим бир дөләт. алҗирийәниң муқимлиқи түркийә үчүн интайин муһим» деди.

алҗирийәдә наһайити көп түрк ширкитиниң паалийәт елип бериватқанлиқини хатиритилип өткән чавушоғлу, «улардин иптихарлинимиз. алҗирийә дөлитигә ширкәтлиримизгә ишәнгәнлики үчүн вә уларни қоллап – қуввәтлигәнлики үчүн миннәтдарлиқ билдүримиз» дегәнләрни сөзлиригә илавә қилди.



مۇناسىۋەتلىك خەۋەرلەر