تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

b d t xewpsizlik kéngishining ezaliri türkiye tashqi ishlar ministirliqigha chaqirildi

türkiye tashqi ishlar ministirliqi b d t xewpsizlik kéngishining daimiy ezalirigha «tinchliq buliqi herikiti» (Barış Pınarı Harekatı) toghrisida melumat bérish üchün elchilirini ministirliqqa chaqirtti.

baris pinari harekati.jpg
baris pinari harekati.jpg
baris pinari harekati
baris pinari harekati
baris pinari harekati

türkiye awazi radiyosi xewiri: térrorluq teshkilati y p g|p k k resulaynda ishghali astidiki bir nuqtidin jeylanpinargha ikki ménamiyot oqi atti. hujumda, ölüm-yétim hadisisining körülmigenliki bildürüldi.

türkiye dölet mudapie ministirliqi intérnét bétide bayanat élan qilip, «tinchliq buliqi herikiti» bashlanghanliqini bildürdi we munularni qeyt qildi:

«chégralirimizning bixeterlikini saqlash, chégrayimizning jenubida térrorluq karidori peyda bolushining aldini élish, daésh we p k k|k j k|p y d-y p g ni öz ichige alghan dölet bixeterlikimizge tehdit salghan térrorluq teshkilatliri we térroristlarni yoqitish, yurt-makanliridin ayrilghan süriyeliklerning yurt-makanlirigha qaytishi üchün muwapiq sharaitlarni teyyarlash meqsitide «tinchliq buliqi» herbiy herikiti bügün (2019-yili 9-öktebir) saet 16:00 da bashlandi.

ministirliqning bayanatida, amérika, rusiye, engliye, gérmaniye, firansiye we italiye qatarliq döletlerge؛ buningdin bashqa, nato, b d t bash katibatliqigha bügün saet 14:00 din bashlap melumat bérilgenliki bildürüldi.

türkiye tashqi ishlar ministirliqimu heriket munasiwetlik diplomatiye paaliyetlirini bashlidi.

tashqi ishlar ministirliqining bu heqtiki bayanatida, b d t xewpsizlik kéngishige eza döletlerning bash elchiliri ministirliqqa chaqirilip, heriket toghrisida melumatqa ige qilindi.

b d t xewpsizlik kéngishining daimiy ezaliri, amérika, rusiye, xitay, engliye we firansiyedin ibaret.



مۇناسىۋەتلىك خەۋەرلەر