ирақниң шималиға һәрбий һәрикәт елип берилди

түркийә авази радийоси хәвири: дөләт мудапиә министирлиқи тәрипидин бу һәқтә елан қилинған байанатта, түркийә армийәси тәрипидин «<пәнчә> һәрбий һәрикити» даирисидә ирақниң шималидики авашин райониға һава һуҗуми елип берилғанлиқи тәкитлинип мундақ дейилди: «қисимлиримизниң бөлгүнчи террорлуқ тәшкилати п к к  ға зәрбә бериш һәрикәтлири әң йүксәк сәвийәдә давамлашмақта. (<пәнчә> һәрбий һәрикити) билән мас қәдәмдә ирақниң шималидики авашин райониға елип берилған һава һуҗумида бөлгүнчи террорлуқ тәшкилати п к к лиқ 7 террорчи бир тәрәп қилинди.»

түнүгүнму ирақниң шималидики һафтанин райониға қилинған һава һуҗумида бөлгүнчи террорлуқ тәшкилати п к к лиқ икки террорчи бир тәрәп қилинғаниди.

буниңдин башқа йәнә, һаққарида вилайәтлик қораллиқ сақчи қисим қоманданлиқ иштабиға қарашлиқ алаһидә қисим әтрәтлири тәрипидин елип берилған һәрбий һәрикәтләрдә 3 террорчи, ширнақниң җуди теғи етикигә җайлашқан йеза – қишлақлирида болса икки террорчи бир тәрәп қилинғаниди.