түркийә қораллиқ қисимлири һаккарида икки һәрикәт елип барди

түркийә авази радийоси хәвири: ички ишлар министирлиқи һаккарида п к к бөлгүнчи террорлуқ тәшкилатиға қарши елип берилған икки һәрикәт тоғрисида байанат елан қилди.

байанатта, ички хәвпсизликни қоғдаш һәрикәтлири даирисидә, һаккари қораллиқ қисим қоманданлиқ иштабиға қарашлиқ алаһидә һәрикәт қисминиң, йүксәкова наһийәси әтрапида тик учарларниң йардимидә һәрикәт башлиғанлиқи қәйт қилинди.

билдүрүлишичә, қиш пәслиниң тәййарлиқини қиливатқан йәттә террорист бир тәрәп қилинған. һаккари шәһәр әтрапида елип берилған йәнә бир һәрикәттә болса, үч террорист бир тәрәп қилинған. буниң билән, һаккари вилайити тәвәликидә бир күн ичидә бир тәрәп қилинған террористларниң сани 10ға йәткән.

ирақниң шималидики авашин районида елип берилған һава һәрикитидиму п к к бөлгүнчи террорлуқ тәшкилатиниң үч әзаси бир тәрәп қилинған болуп, түркийә дөләт мудапиә министирлиқи бу һәқтә байанат елан қилди.

дөләт мудапиә министирлиқиниң байанатида қәйт қилинишичә, пәнҗә һәрикити билән мас һалда ирақниң авашин районида һава һәрикити елип берилған вә п к к бөлгүнчи террорлуқ тәшкилатиниң үч әзаси бир тәрәп қилинған.

районда һәрикәтләрниң давамлишиватқанлиқи билдүрүлди.