تۈركىيە خەۋپسىزلىك كۈچلىرى دۆلەت ئىچى - سىرتىدا تېررورچىلارغا زەربە بېرىشنى داۋاملاشتۇرماقتا

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى ئىچكى ئىشلار مىنىستىرلىقى بايانات بېرىپ، ئىچكى بىخەتەرلىكنى كاپالەتكە ئىگە قىلىش خىزمەتلىرى دائىرىسدە، جامائەت خەۋپسىزلىك ۋە ژاندارما قىسىملىرىنىڭ بەيتۇششەباپ ناھىيەسى تاغلىق رايونىدا زەربە بېرىش ھەرىكىتى ئېلىپ بېرىپ، يەنە 2 تېررورچىنى ئۇجۇقتۇرغانلىقىنى ئۇقتۇردى.

خەۋپسىزلىك كۈچلىرىنىڭ بۈگۈن سەھەردە 7 تېررورچىنى بىر تەرەپ قىلغانلىقى بىلدۈرۈلگەنىدى. شۇنداق قىلىپ، بۇ قېتىمقى ھەرىكەتتە بىر تەرەپ قىلىنغان تېررورچى سانى 9 غا يەتتى.

يەنە بىر تەرەپتىن، تۈركىيە ئارمىيەسى ئىراقنىڭ شىمالىدىكى ئاۋاشىن رايونىدا ھاۋادىن زەربە بېرىش ھەرىكىتى ئېلىپ بېرىپ، بۆلگۈنچى تېررورلۇق تەشكىلاتى پ ك ك نىڭ 3 ئەزاسىنى تەرەپ قىلدى.