«türkiyening sherqiy aqdéngizda yolgha qoyuwatqan muqimliq siyasiti özgermeydu»

muawin jumhur reis  fuat oktay türkiyening  sherqiy aqdéngizda tinchliqni qoghdash yolida yolgha qoyuwatqan  muqimliq siyasitining özgermeydighanliqini éytti.

«türkiyening sherqiy aqdéngizda yolgha qoyuwatqan muqimliq siyasiti özgermeydu»

türkiye awazi radiyosi xewiri: oktay «shimaliy qibris türk jumhuriyiti bilen türkiye otturisidiki sayahet hemkarliqi paaliyetliri» munasiwiti bilen tünügün paytext enqerede bérilgen ziyapette qilghan sözide, qibris mesilisi tilgha élinishqa bashlighan shu künlerde türkiyening pozitsiyesining intayin éniq hem keskin ikenlikini tekitlep mundaq dédi: «qibris mesilisini hel qilishtin meqset,  aralda uzaq mezgillik tinchliq ornitish we adil  siyasiy barawerlikni ishqa ashurushtur. bizge nisbeten muhim bolghini, mesilini hel qilish usulining ismi emes, eksiche qibris türklirining siyasiy barawerlikke we qarar chiqirish mixanizmlirigha paal qatnishish hoquqigha érishishi, parawanliqtin behrimen bolushi we bixeterlikining kapalet astigha élinishidur.»

rum terepning izchil dawamlashturuwatqan bir tereplimilik gidrokarbon paaliyetlirige qarita sahede emeliyet arqiliq inkas qayturulghanliqini éytqan oktay, mundaq dep körsetti: «sherqiy aqdéngizda tinchliqni qoghdash yolida yolgha qoyuwatqan  muqimliq siyasitimiz özgermeydu. türkiye qibris türklirini héchqachan yalghuz tashlap qoyghan emes, eksiche bashtin tartipla ularning heq – hoquqliri hem menpeetlirini qoghdash yolida her türlük tirishchanliqlarni körsitip kelmekte. hazirghiche yolgha qoyuwatqan siyasitimiz hem ishlewatqan xizmitimizni taki qibris türkliri özlirining parawanliq hoquqigha iérishkenge qeder dawamlashturimiz, izchil türde keng dairilik layihelerni ishqa ashurimiz.»



مۇناسىۋەتلىك خەۋەرلەر