erdoghan amérikigha ikki hepte möhlet berdi
jumhur reis rejep tayyip erdoghan, süriyening shimalida bixeter rayon tesis qilish mesiliside ikki hepte ichide birer netije chiqmisa, enqerening öz heriket pilanini ijra qilishqa bashlaydighanliqini éytti.
türkiye awazi radiyosi xewiri: jumhur reis erdoghan, beshtepe millet qurultay we medeniyet merkizide ötküzülgen 2019 -2020 – yili aliy maarip akadémik yilini bashlash murasimigha qatnashti we murasimdiki sözi jeryanida, amérika qoshma ishtatliri bilen muzakire qilinghan bixeter rayon mesilisige alaqidar özgirishler heqqidimu toxtilip, «ikki hepte ichide bu yerdin birer netije chiqmisa, öz heriket pilanlirimiz ijra qilishqa bashlaymiz. aldimizdiki aylarda körülidighan özgirishler, süriye kirizisining asanla hel qilinishi yaki éghirliship kétishini belgileydu. firat deryasining sherqini bixeter haletke keltürüsh arqiliq bu yerge bixeter rayonning dairisige qarap 2 - 3 milyon arisidiki nöwette dölitimizde we yawropada yashawatqan süriyelik musapirni orunlashturushimiz mumkin» dédi.
u yene, «yawropa döletliridin hem idlib, hem firat deryasining sherqige alaqidar mesililerde küchlük yardemchi bolushini kütmektimiz. hazirqi halette gep bizni toyghuzalmaydu» dégenlerni sözlirige ilawe qildi.
