türkiyening süriye mesiliside yene saqlashqa sewri qalmidi

türkiye awazi radiyosi xewiri: türkiye jumhur reislik sariyi meslihetchisi piroféssor doktor gülnur aybet türkiye miras wexpi bilen amérika xelqara munasiwetler kéngishi (WACA) birlikte washingtonda ötküzgen «türkiyening rayonluq mudapie, énérgiye we iqtisadiy nuqtiiyneziri» namliq léksiye yighinigha qatnashti we söz qildi.

u türkiyening bixeterlik siyasetliride uzun waqittin béri hawa mudapie sistémisi yétersizlikining muhim mesile süpitide talash-tartish qilinip kelgenlikini, türkiyening rusiyedin burun amérika we bashqa döletler bilen muakireler ötküzgenlikini xatiriletti.

u türkiyening özining hawa mudapie sistémisini bina qilish qarishini dawamlashturuwatqanliqini bildürdi we bu nuqtidin téxnika ötünüp bérish mesilisige ehmiyet bérip, munasiwetlik döletler bilen mezkur mesililer üstide söhbetleshkenlikini qeyt qildi.

u: «türkiye S-400 lerni tallidi, chünki mueyyen waqit ichide muhim teleplerni qandurghan teklip idi. yene kélip bu, natoning bixeterlikige tehdit salmaydu. S-400 lerdin oxshimighan tallashlar küntertipke kelse ularghimu qarap chiqimiz. <wetenperwer> ler bularning béri. biraq, amérika buni <biz türkiyege wetenperwer béreyli, ularmu S-400 lerdin waz kechsun> dep oylimisun. bizning ishikimiz <wetenperwer> lerge munasiwetlik tekliplerge ochuq. oxshashla bu S-400 lerdin waz kechkenlikni bildürmeydu» dédi.

u türkiye-amérika munasiwetliride bölgünchi térrorluq teshkilati p k k|y p g we fethullahchi térrorluq teshkilati mesililirining hel qilishqa tégishlik muhim ikki mesile ikenlikini tekitlep, türkiyening süriyede bixeterlik rayoni mesiliside yene saqlaydighan sewrining qalmighanliqini bildürdi.