түркийә: өзбекистанниң «түрк кеңиши» гә толуқ әза болидиғанлиқидин хушаллиқ һес қилмақтимиз

түркийә, өзбекистанниң түрк тилида сөзлишидиған дөләтләр һәмкарлиқ кеңиши (түрк кеңиши) гә толуқ әза болидиғанлиқидин хушаллиқ һес қилидиғанлиқини билдүрди.

түркийә: өзбекистанниң «түрк кеңиши» гә толуқ әза болидиғанлиқидин хушаллиқ һес қилмақтимиз

түркийә авази радийоси хәвири: түркийә җумһурийити ташқи ишлар министирлиқи йазма байанат елан қилип, өзбекистанниң түрк кеңишиниң қурулуш байананнамиси - «нәһчиван келишими» гә қетилиш йолидики зөрүр болған үч басқучлуқ мақуллиниш мусаписини ахирлаштурғанлиқини уқтурди.

қошулуш һөҗҗитиниң нәһчиван келишиминиң капаләтчиси орнидики түркийә ташқи ишлар министирлиқиға йәткүзүлгәнлики қәйт қилинған байанатта, «тәрәпимизму тегишлик рәсмийәтләрни бүгүн тамамлиған болуп, мунасвәтлик маддиниң роһиға асасән нәһчиван келишими, өзбекистан үчүн 2019 – йили 14 – өктәбирдә күчкә игә болиду. дост вә қериндаш дөләт өзбекистанниң түрк кеңишигә толуқ әза болуши билән бирликтә, түрк дунйаси ичидики һәмкарлиқ техиму мустәһкәмлиниду, хәлқлиримизниң ортақ байашатлиқи вә есәнлики үчүн орнатқан һәмкарлиқимиз техиму күчийиду. өзбекистанниң түрк кеңишигә толуқ әза болидиғанлиқидин хушаллиқ һес қилидиғанлиқимизни йәнә бир қетим ипадиләймиз» дегән ибариләргә орун берилди.



مۇناسىۋەتلىك خەۋەرلەر