түркийә қатарлиқ 50 дин көпрәк дөләт һиндистанға чақириқ елан қилди

бирләшкән дөләтләр тәшкилати кишилик һоқуқ кеңишидә түркийә қатарлиқ 50 дин көпрәк дөләт һиндистанға алаһидә районлуқ салаһийити әмәлдин қалдурулған җамму кәшмирдики кишилик һәқуқ дәпсәндичиликлирини тохтитиши үчүн чақириқ елан қилди.

түркийә қатарлиқ 50 дин көпрәк дөләт һиндистанға чақириқ елан қилди

түркийә авази радийоси хәвири: б д т ниң шивейитсарийәдики җәнвә ишханисида давамлашқан кишилик һоқуқ кеңиши 42нөвәтлик йиғининиң 2олтурушида кәшмир мәслиси алдинқи нуқтилиқ тема болди.

пакистан ташқи ишлар министири шаһ мәһмуд қурәйшиниң кәшмир мәсилиси һәққидә сөзлигән узун нутуқидин кейин, бәзи дөләтләр һәрикәткә өтүп, бир ортақ доклатқа имза қойди.

түркийә қатарлиқ 50 дин көпрәк дөләт вә ислам һәмкарлиқ тәшкилати тәрипидин тәййарланған доклатта һиндистанниң 5авғустта районниң алаһидә салаһийитини әмәлдин қалдуруши билән кәшмирдә кишилик һоқуқ шәрмәндичиликлири көрүнүшкә вә инсаний вәзийәтниң начарлишишқа башлиғанлиқи тәкитләнди.

районниң әһвали б д т кишилик һоқуқ кеңиши вә кишилик һоқуқ миханизми нуқтисидин җиддий мәсилигә айланғанлиқи билдүрүлгән доклатта йәнә, б д т кишилик һоқуқ алий комиссари мичәл бачелетниң «һиндистанниң районда елип бериватқан йеқинқи һәрикәтлиридин әндишә һес қилмақтимиз» дегән байанатини қоллап - қуввәтләйдиғанлиқи қәйт қилинди.  

б д т кишилик һоқуқ алий комиссарлиқи ишханисиға сунулуп, руйхәткә алдурулидиған ортақ доклатта, кәшмир хәлқиниң болупму турмуш, әркинлик вә асаслиқ кишилик һоқуқлириға һөрмәт билдүрүлиши вә қоғдилиниши тәләп қилинди. 

һиндистанниң кәшмирдә йолған қойған кочиға чиқишни чәкләш бәлгилимисиниң дәрһал әмәлдин қалдурулиши, учур алақә вастилириниң чәклинишигә хатимә берилиши вә сийасий тутқунларни қойуп бериши керәклики тилға елинди.

доклатта йәнә, һиндистан қиисмлириниң кәшмир хәлқигә һәддидин артуқ күч ишлитишни тохтитиши, кишилик һоқуқ тәшкилатлири вә хәлқара ахбаратниң тосалғусиз һалда кәмширгә керәлиши керәклики тәләп қилинди.



مۇناسىۋەتلىك خەۋەرلەر