chawushoghlu nétényahugha qattiq naraziliq bildürdi

türkiye tashqi ishlar ministiri mewlüt chawushoghlu ishghal astidiki iyordan deryasining gherbiy qirghiqigha jaylashqan yehudiylar olturaq rayonlirini bésiwélishni wede qilghan israiliye bash ministiri bényamin nétanyahugha qattiq naraziliq bildürdi.

chawushoghlu nétényahugha qattiq naraziliq bildürdi

türkiye awazi radiyosi xewiri: chawushoghlu ammiwi ortaqlishish tor béti Twitter sehipiside, bu heqte élan qilghan bayanatida, mundaq dédi: «her qétim saylam ötküzülüshtin burun her türlük qanunsiz, adaletsiz we zorawanliq tüsini alghan bayanatlarni bérishni dawamlashturidighan bényamin nétanyahuning saylam wedisi irqchiliqtin bashqa nerse emes. derweqe,  biz pelestinlik qérindashlirimizning heq – hoquqlirini adaqqiche qoghdashni dawamlashturimiz.»

israiliye bash ministiri bényamin nétanyahu 17 – séntebirde muddettin burun ötküzülidighan saylam harpisida élan qilghan bayanatida, qayta saylanghan teqdirde, eng qisqa waqit ichide, iyordan deryasining gherbiy qirghiqigha jaylashqan «iyordaniye wadisi» ni amérika qoshma ishtatliri hökümiti bilen mas qedemde israiliyening térrotériyesige qoshidighanliqini tilgha alghanidi.

u, 9 – aprél küni ötküzülgen oumiy saylam harpisidimu, saylamda ghelibe qilip, birleshme hökümetni qurghan teqdirde yene shundaq qlidighanliqi toghruluq wede bergenidi. amérika qoshma ishtatlirining israiliye bash elchisi deywid frédmanmu, israiliyening iyordan deryasining gherbiy qirghiqigha jaylashqan bezi rayonlarni bésiwélish hoquqi barliqini ilgiri sürüp, nétényahuni qollighanidi.

igilinishiche, israiliye 1967 – yili ishghal qiliwalghan iyordan deryasining gherbiy qirghiqida 250 ke yéqin qanunsiz yehudiylar olturaq rayonliri bar bolup, bu rayonlarda  400 mingdin  artuq yehudiy köchmen yashaydiken. xelqara qanungha asaslanghanda, ishghal astidiki zéminlardiki barliq yehudiylar olturaq rayonliri  qanunsiz hésablinidiken.



مۇناسىۋەتلىك خەۋەرلەر