чавушоғлу нетенйаһуға қаттиқ наразилиқ билдүрди

түркийә ташқи ишлар министири мәвлүт чавушоғлу ишғал астидики ийордан дәрйасиниң ғәрбий қирғиқиға җайлашқан йәһудийлар олтурақ районлирини бесивелишни вәдә қилған исраилийә баш министири бенйамин нетанйаһуға қаттиқ наразилиқ билдүрди.

чавушоғлу нетенйаһуға қаттиқ наразилиқ билдүрди

түркийә авази радийоси хәвири: чавушоғлу аммиви ортақлишиш тор бети Twitter сәһиписидә, бу һәқтә елан қилған байанатида, мундақ деди: «һәр қетим сайлам өткүзүлүштин бурун һәр түрлүк қанунсиз, адаләтсиз вә зораванлиқ түсини алған байанатларни беришни давамлаштуридиған бенйамин нетанйаһуниң сайлам вәдиси ирқчилиқтин башқа нәрсә әмәс. дәрвәқә,  биз пәләстинлик қериндашлиримизниң һәқ – һоқуқлирини адаққичә қоғдашни давамлаштуримиз.»

исраилийә баш министири бенйамин нетанйаһу 17 – сентәбирдә муддәттин бурун өткүзүлидиған сайлам һарписида елан қилған байанатида, қайта сайланған тәқдирдә, әң қисқа вақит ичидә, ийордан дәрйасиниң ғәрбий қирғиқиға җайлашқан «ийорданийә вадиси» ни америка қошма иштатлири һөкүмити билән мас қәдәмдә исраилийәниң терротерийәсигә қошидиғанлиқини тилға алғаниди.

у, 9 – апрел күни өткүзүлгән оумий сайлам һарписидиму, сайламда ғәлибә қилип, бирләшмә һөкүмәтни қурған тәқдирдә йәнә шундақ қлидиғанлиқи тоғрулуқ вәдә бәргәниди. америка қошма иштатлириниң исраилийә баш әлчиси дәйвид фредманму, исраилийәниң ийордан дәрйасиниң ғәрбий қирғиқиға җайлашқан бәзи районларни бесивелиш һоқуқи барлиқини илгири сүрүп, нетенйаһуни қоллиғаниди.

игилинишичә, исраилийә 1967 – йили ишғал қиливалған ийордан дәрйасиниң ғәрбий қирғиқида 250 кә йеқин қанунсиз йәһудийлар олтурақ районлири бар болуп, бу районларда  400 миңдин  артуқ йәһудий көчмән йашайдикән. хәлқара қанунға асасланғанда, ишғал астидики земинлардики барлиқ йәһудийлар олтурақ районлири  қанунсиз һесаблинидикән.



مۇناسىۋەتلىك خەۋەرلەر