amérika dölet mudapie meslihetchisi jon bolton bilen muhim mesililer muzakire qilindi

jumhur reislik bayanatchisi ibrahim kalin amérika dölet mudapie meslihetchisi jon bolton bilen türkiye – amérika munasiwetliri we rayonning yéngi weziyiti heqqide téléfonda muzakirileshti.

1263929
amérika dölet mudapie meslihetchisi jon bolton bilen muhim mesililer muzakire qilindi

türkiye awazi radiyosi xewiri: jumhur reisliktin élan qilinghan bayanatta, ibrahim kalin bilen jon bolton otturisidiki téléfon söhbitide, süriyening weziyiti, bixeter rayon qurush meslisi, térrorluqqa qarshi küresh, amérika bilen özara soda munasiwetliri we liwiyening yéqinqi weziyiti qatarliq témilarning muzakire qilinghanliqi bildürüldi.

söhbette jumhur reis rejep tayyip erdoghanning amérika pirézidénti donald tramp bilen ötküzgen axiriqi qétimqi téléfon söhbitide muzakirileshken témilarmu közdin köchürüldi.

birleshken döletler teshkilati omumiy kéngishi dairiside, jumhur reis rejep tayyip erdoghanning 22sintebirdin 25sintebirgiche amérikaning niyuyork shehiride ziyarette bolidighanliqi we bu jeryanda ikki rehberningmu uchrishish élip bérishi muzakire qilindi.

süriyening shimalida qurulushi pilanlanghan bixeter rayon üchün tashlinidighan qedemlerning tézlashturulishi, idlib kélishimining qoghdilinishi, dölet asasiy qanun komitétining baldurraq tamamlinishi qatarliq témilar etrapliq analiz qilindi we yüz bérish éhtimaliy bolghan insanié tiradégiyelerning shundaqla yéngi panahlanghuchilar éqinining aldini élishqa ünümlük tedbirlerning yolgha qoyulishi jehettiki qetiy irade otturigha qoyuldi.  

söhbette, türkiye amérika shérik heriket pilanining kéchiktürülmestin derhal ijra qilinishi jehette türkiye terepning teyyarliqliri tamamlinip bolghanliqi bildürüldi.

amérika soda ministiri wilbur rosning türkiyede ötküzidighan ziyariti we 100 milyard dollarliq soda omumiy somma nishanining ikki dölet munasiwetlirige qoshidighan töhpilirining muhimliqi tekitlerdi. 


خەتكۈچ: #muzakire , #türkiye , #amérika

مۇناسىۋەتلىك خەۋەرلەر