bügün siwas kongresi échilghanliqining 100-yilliqi

türkiye jumhur reisi rejep tayyip erdoghan bir esirdin kéyin mustemlike qilish we himayining qetiy qobul qilinmaydighanliqini éytti.

1263806
bügün siwas kongresi échilghanliqining 100-yilliqi
erdogan sivas kongresi.jpg
erdogan sivas kongresi.jpg

türkiye awazi radiyosi xewiri: bügün (4-séntebir) türkiye jumhuriyitining asasliridin biri bolghan siwas kongresi échilghanliqining 100-yili.

1919-yili 4-séntebirdin 11-séntebirgiche siwasta chaqirilghan kongrede élinghan muhim qararlar, weten zéminlirining bir pütün ikenliki, bir-biridin ayrilalmaydighanliqi bilen, mustemlike we himayining qobul qilinmaydighanliqi idi.

jumhur reis rejep tayyip erdoghan siwas kongresining 100-yilliqini tebriklesh pirogrammisigha iishtirak qildi we muhim söz qildi.

u siwasta atatürk xatire sariyigha gülchembirek qoydi we 4-séntebir künining xelqning xatiriside muhim orungha ige ikenlikini eskertip, azadliq urushining teyyarliqliri qilinghan siwasning, milliy küresh we jumhuriyetning tunji merkizi ikenlikini bildürdi.

u bir esir burun dunyagha bérilgen «mustemlike we himaye qetiy qobul qilinmaydu» dégen signalni tekrarlidi we mundaq dédi:

«bir esirdin kéyin, yene shuni tekrarlaymizki, mustemlike we himaye qetiy qobul qilinmaydu. dölet chégraliri ichide weten bir pütündur. wetinimiz, bayriqimiz, dölitimiz, xelqimiz, istiqlalimiz, bizning sheripimiz, nomusimiz hésablinidu. wetinimizge, bayriqimizgha, istiqlalimizgha sozulghan her qandaq qolni sundurup tashlaymiz. memliket ichi we sirtidin türkiyege qarshi heriket qilmaqchi bolghanlargha, kökérikimizni qalqan qilish bedilige dawamliq kéreklik jawabni bérimiz. türkiyening qolgha keltürgen netijilirige we nishanlirigha qarshi qurulghan her qandaq tuzaqlarni buzup tashlaymiz.»    


خەتكۈچ: #erdoghan , #siwas kongresi

مۇناسىۋەتلىك خەۋەرلەر