تۈركىيە پ ك ك تېررورچىلىرىغا قارشى «قىران-2» ناملىق زەربە بېرىش ھەرىكىتىنى باشلىدى
تۈركىيە خەۋپسىزلىك كۈچلىرى ماردىن، شىرناق ۋە باتماندا بۆلگۈنچى تېررورلۇق تەشكىلاتى پ ك ك غا قارشى «قىران-2 بىرلەشمە زەربە بېرىش ھەرىكىتى» ئېلىپ بېرىشنى باشلىدى.
تۈركىيە ئاۋازى رادىيوسى خەۋىرى: ژاندارما باش قوماندانى گېنېرال - پولكوۋنىك ئارىف چەتىن بىلەن جامائەت خەۋپسىزلىك ئىدارىسى باش مۇدىرى مەھمەت ئاقتاش، ماردىننىڭ مىديات ناھىيەسىدە خەۋپسىزلىك كۈچلىرىنىڭ ماردىن، شىرناق ۋە باتمان تاغلىق رايونىدا باشلىغان «قىران-2 بىرلەشمە زەربە بېرىش ھەرىكىتى» گە قوماندانلىق قىلماقتا.
دىيارباكىر ۋىلايىتىدە تۇرۇشلۇق ژاندارما قوماندانى بىرىگادا گېنېرالى ھالىس زافەر كوچ، ماردىن تاغلىق رايونىدا زەربە بېرىش ھەرىكىتىگە بىۋاسىتە قوماندانلىق قىلماقتا.
قىران-2 ناملىق زەربە بېرىش ھەرىكىتى، بۆلگۈنچى تېررورلۇق تەشكىلاتى پ ك ك ئەزاسى تېررورچىلارنى قولغا چۈشۈرۈش، بىر تەرەپ قىلىش، ئۇلارنىڭ ئۆڭكۈر، پاناھلىنىش ئورنى ۋە ئىسكىلاتلىرىنى تېپىپ چىقىپ يوقىتىپ تاشلاشنى نىشان قىلىدۇ.
بۇ ھەرىكەت دائىرىسىدە 3 ۋىلايەتتە ژاندارما كوماندىرلىرى ۋە ئالاھىدە ھەرىكەت ساقچىلىرى بىلەن ئامانلىق ساقلىغۇچىلاردىن تەشكىل تاپقان 117 ئايرىم زەربە بېرىش ئەترىتى ۋەزىپە ئۆتەيدۇ.
مۇناسىۋەتلىك خەۋەرلەر
ئىراق ۋە سۈرىيەدە 75 تېررورچى بىر تەرەپ قىلىندى
ئىراق ۋە سۈرىيەنىڭ شىمالىدا تېررورچىلارغا ئەجەللىك زەربە بېرىلمەكتە.