chawushoghlu liwangha yétip bardi

türkiye awazi radiyosi xewiri: türkiye tashqi ishlar ministiri mewlüt chawushoghlu we uning hemrahliqidiki heyet liwan paytexti béyruttiki refiq hariri xelqara ayrodurumida, türkiyening béyrutta turushluq bash elchisi hakan chakil we liwan tashqi ishlar ministirliqining munasiwetlik rehberliri teripidin kütüwélindi.

mewlüt chawushoghlu twittérda ziyariti heqqide uchur hembehirlep: «ikki terep munasiwetlirini muzakire qilish üchün dost dölet liwangha yétip kelduq» dédi.

mewlüt chawushoghlu liwan pirézidénti mishél awn, parlamént bashliqi nebih bérri, bash ministir saad elhariri, tashqi ishlar ministiri jibran basil we ichki ishlar ministiri raya elhasan bilen körüshidu.

türkiye tashqi ishlar ministirliqining mewlüt chawushoghluning liwan ziyariti heqqide élan qilghan bayanatida, uchrishishlarda ikki terep munasiwetliri muzakire qilinghandin bashqa, rayonluq mesililerdimu özara pikir almashturulidighanliqi bildürüldi.

tashqi ishlar ministiri mewlüt chawushoghlu yene, ziyariti jeryanida liwanda yashawatqan türkiye puqraliri bilenmu körüshidu.