чавушоғлу ливанға йетип барди

түркийә ташқи ишлар министири мәвлүт чавушоғлу рәсмий зийарәттә болуш үчүн ливанға йетип барди.

1257146
чавушоғлу ливанға йетип барди

түркийә авази радийоси хәвири: түркийә ташқи ишлар министири мәвлүт чавушоғлу вә униң һәмраһлиқидики һәйәт ливан пайтәхти бейруттики рәфиқ һарири хәлқара айродурумида, түркийәниң бейрутта турушлуқ баш әлчиси һакан чакил вә ливан ташқи ишлар министирлиқиниң мунасивәтлик рәһбәрлири тәрипидин күтүвелинди.

мәвлүт чавушоғлу твиттерда зийарити һәққидә учур һәмбәһирләп: «икки тәрәп мунасивәтлирини музакирә қилиш үчүн дост дөләт ливанға йетип кәлдуқ» деди.

мәвлүт чавушоғлу ливан пирезиденти мишел авн, парламент башлиқи нәбиһ берри, баш министир саад әлһарири, ташқи ишлар министири җибран басил вә ички ишлар министири райа әлһасан билән көрүшиду.

түркийә ташқи ишлар министирлиқиниң мәвлүт чавушоғлуниң ливан зийарити һәққидә елан қилған байанатида, учришишларда икки тәрәп мунасивәтлири музакирә қилинғандин башқа, районлуқ мәсилиләрдиму өзара пикир алмаштурулидиғанлиқи билдүрүлди.

ташқи ишлар министири мәвлүт чавушоғлу йәнә, зийарити җәрйанида ливанда йашаватқан түркийә пуқралири биләнму көрүшиду.



مۇناسىۋەتلىك خەۋەرلەر