mewlüt chawushoghlu sudanda ziyarette bolmaqta

tashqi ishlar ministiri mewlüt chawushoghlu sudanda waqitliq xelq hökümitining qurulush belgilirimilirini öz ichige alghan dölet asasiy qanuni bayannamisini imzalash murasimigha qatnishish üchün sudangha yétip bardi.

mewlüt chawushoghlu sudanda ziyarette bolmaqta

 

türkiye awazi radiyosi xewiri: tashqi ishlar ministiri mewlüt chawushoghlu sudanning paytexti xortumda, sudan waqiliq herbiy kéngishi bashliqi général abdul fettah elburhan bilen körüshti.

mewlüt chawushoghlu général abdul fettah elburhan bilen sudan pirézidéntliq sariyida axbaratchilargha yépiq shekilde uchrishish ötküzdi.

mewlüt chawushoghlu uchrishishtin kéyin, tiwittér hésabidin élan qilghan bayanatida, «sudanda waqitliq herbiy kéngesh bashliqi général abdul fettah elburhan bilen körüshtüq. uchrishishta sudandiki barliq tereplerni waqitliq xelq hökümiti qurulushi esnasida körsetken mötidil pozitsiyesi üchün tebrikliduq. sudanning muqimliqi we bixterliki üchün sudan hökümitige we qérindash sudan xelqige yardem qilishni dawamlashturimiz» dédi. 

mewlüt chawushoghlu yene, sudan tashqi ishlar ministiri wekili ömer dehib fadil muhemmed bilenmu uchrishish élip bardi. ishqa ashurulghan siyasiy muresse üchün fadil muhemmedni tebriklep, yéngi qurulidighan hökümet bilen özara hemkarliq layihelirini ilgirilitishke teyyar ikenlikini, dost we qérindash sudan bilen bolghan hemkarliqning izchil dawamlishidighanliqini tekitlidi.

mewlüt chawushoghlu kéyin türk karxanichilar we ammiwiy teshkilat wekilliri bilen türkiye elchixanisining turalghusidiki kechlik ziyapette uchriish élip bardi.

mewlüt chawushoghlu herbiy hakimiyet bilen xelq öktichiler birleshmisi otturisida waqitliq xelq hökümiti qurulush belgilimilirini öz ichige alghan dölet asasiy qanuni bayanannimisining bügün ötküzülidighan imzalishish murasimigha qatnishidu.

 



مۇناسىۋەتلىك خەۋەرلەر