«türkiye we shimaliy qibrisning heq – hoquqlirini jan tikip qoghdaymiz»

dölet mudapie ministiri hulusi aqar türkiye we shimaliy qibris türk jumhuriyitining heq – hoquqlirini jan tikip qoghdaydighanliqlirini bildürdi.

TCG Gemlik firkateyni.jpg

türkiye awazi radiyosi xewiri: türkiye armiyesining yuqiri derijilik qomandanliri bilen birlikte shimaliy qibris türk jumhuriyitide dölet ishliri ziyaritide bolghan dölet mudapie ministiri hulusi aqar, tik uchar ayropilan bilen yawuz néfit qidirip tekshürüsh paraxotigha yardem bériwatqan « TCG gemlik qoghdighuchi paraxoti» ni ziyaret qildi.

bu yerde, déngiz armiyesi qomandanliq ishtabining sherqiy aqdéngiz we ege déngizidiki paaliyetliri toghruluq uchur igiligen we yolyoruqlarni bergen aqar, sherqiy aqdéngiz we ege déngizida qalaymiqanchiliq tughdurulushigha esla yol qoymaydighanliqlirini, saqliniwatqan mesililerni inaq qoshnidarchiliq we xelqara qanungha asasen hel qilishning zörürlükini hemishe tekitlep kéliwatqanliqlirini eskertip mundaq dédi: «bashqilar aqdéngizda néfit qidirip tekshürgey, tebiiy bayliqliridin behrimen bolghay, hem qibris xelqi hem türkiye jumhuriyiti döliti hemde 82 milyon xelqimiz buninggha qolini qawushturup qarap turghay. dunyada bundaq ishmu bolamdu? héchkim bizdin bizning bundaq qilishimizni kütmisun. chünki biz hem türkiye jumhuriyitining, hem qibris xelqining, hemde eziz xelqimizning heq – hoquqlirini jan tikip qoghdaymiz. bu heqtiki iradimiz qetiydur. jümlidin, bu mesilide bizning qudritimizni, küchimizni héchkim sinaq qilimen dep xam xiyal qilmisun.»

aqar qibris arilidiki ziyaretliri dairiside chégra liniyelirinimu közdin kechürdi.


خەتكۈچ: aqdéngiz , qibris , türkiye , aqar

مۇناسىۋەتلىك خەۋەرلەر