түркийә террорлуқ каридорини битчит қилишта қәтий ирадигә игә

түркийә җумһур рәиси рәҗәп таййип әрдоған сүрийәдә фират дәрйасиниң шәрқидики террорлуқ каридорини битчит қилиш ирадилириниң қәтий икәнликини ейтти.

1243189
түркийә террорлуқ каридорини битчит қилишта қәтий ирадигә игә

түркийә авази радийоси хәвири: түркийә җумһур рәиси рәҗәп таййип әрдоған адаләт вә тәрәққийат партийәси (AK Parti) ниң вилайәтлик шөбә башлиқлири йиғинида сөз қилди.

у 2019-йили 27-майда ирақниң шималида бөлгүнчи террорлуқ тәшкилати п к к ға қарши башланған «пәнҗә һәрбий һәрикити» тоғрисида тохталди. у: «өткән һәптә ирақниң әрбил шәһиридики консулхана хадимиға қилинған һуҗум, һәрикитимизниң қанчилик тоғра икәнликини испатлайду. мәқситимиз-террористларни чегра линйәсидики сарп тағлириниң орниға, чеграмизға йеқин болған түзләңликтә тосидиған бихәтәрлик линйәси тәшкил қилиш. буни әмәлгә ашурған вақтимизда, иншааллаһ террорлуқ тәшкилати ува тутқан кандил теғи дәйдиған мәсилә қалмайду» деди.

рәҗәп таййип әрдоған америка билән өткүзүлүватқан сүрийәдә бихәтәрлик район тәсис қилиш сөһбәтлири үстидиму тохталди. у мундақ деди:

«нәтиҗиси қандақ болушидин қәтийнәзәр, бизниң фиратниң шәрқидики террорлуқ каридорини битчит қилиш ирадимиз қәтий.»

у русийәдин сетивелинған «S-400» һава мудапиә системилирини қораштуруш вә тәлим-тәрбийә ишлиридин кейин, 2020-йили апрелда ишқа кириштүрүлидиғанлиқини әскәртти. у америка «F-35» айропиланлирини бәрмигән әһвалға қарита: «тәдбирлиримизни алимиз, башқа йаққа йүзлинимиз» деди.

у һазирму түркийәниң йавропаниң әң йеқин, әң күчлүк, әң пайдилиқ вә һәр нуқтидин ейтқанда әң қиммәтлик дост намзати икәнлики тәкитләп: «мушундақ болуп қелишни халаймиз. буниң үчүн йавропалиқларниң охшаш нийәткә игә икәнликини көрсәкла купайә. бизгә бир қәдәм йеқинлашқанға, биз иккә қәдәм йеқинлишимиз» деди.



مۇناسىۋەتلىك خەۋەرلەر